مەملەكەت باسشىسى قاسىم-جومارت توقاەۆ بۇقارالىق اقپارات قۇرالدارى قىزمەتكەرلەرٸن كەسٸبي مەرەكەسٸمەن قۇتتىقتادى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
"قۇرمەتتٸ جۋرناليستەر! بۇقارالىق اقپارات قۇرالدارىنىڭ قىزمەتكەرلەرٸ! سٸزدەردٸ كەسٸبي مەرەكەلەرٸڭٸزبەن شىن جٷرەكتەن قۇتتىقتايمىن!
اقپارات سالاسىندا جۇمىس ٸستەۋ – ٷلكەن مەرتەبە ەرٸ زور جاۋاپكەرشٸلٸك. وتاندىق باسپاسٶز ەلٸمٸزدٸڭ تۇتاستىعى مەن تاتۋلىعىن نىعايتۋ جولىندا ەلەۋلٸ رٶل اتقارادى. سٶز ٶنەرٸن قاسيەت تۇتىپ, ابىروي بيٸگٸنەن كٶرٸنٸپ جٷرگەن كەسٸبي جۋرناليستەرٸمٸز از ەمەس. ولار ەسەلٸ ەڭبەگٸمەن وقىرماننىڭ, كٶرەرمەننٸڭ العىسىنا بٶلەنۋدە. بۇل – ەل يگٸلٸگٸ جولىنداعى ادال ەرٸ قاجىرلى ەڭبەكتەرٸڭٸزگە بەرٸلگەن باعا.
بٷگٸندە ەلەۋمەتتٸك جەلٸلەردە, ينتەرنەتتە جالعان اقپارات كٶبەيٸپ كەتكەنٸن كٶرٸپ وتىرمىز. وسىنداي كٷردەلٸ جاعدايدا سٸزدەردٸڭ شىنايى ەرٸ سىني كٶزقاراستارىڭىز تٷرلٸ كەلەڭسٸزدٸككە توسقاۋىل بولار ەدٸ. قازٸر قوعامداعى باسىمدىقتار ٶزگەرٸپ جاتىر. كەسٸبي جۋرناليستەر قىزمەتٸنٸڭ ماڭىزى ارتا تٷستٸ.
بٸز جاڭا, ەدٸلەتتٸ قازاقستاندى قۇرۋعا كٸرٸستٸك. بۇل – بارشا وتانداسىمىزدىڭ الدىندا تۇرعان ماڭىزدى مٸندەت. سٸزدەردٸڭ ماقالالارىڭىز بەن سيۋجەتتەرٸڭٸز, جۋرناليستٸك زەرتتەۋلەرٸڭٸز وسى باستاماعا ٷلەس قوسارى سٶزسٸز. سوندىقتان ناعىز كەسٸبي مامانداردىڭ ەڭبەگٸن لايىقتى باعالاۋدىڭ سيمۆولدىق مەنٸ بار.
مٸرجاقىپ دۋلاتۇلىنىڭ "قاي جۇرتتىڭ باسپاسٶزٸ مىقتى بولسا, سول ەلدٸڭ ٶزٸ دە كٷشتٸ" دەگەن تۇجىرىمى بٷگٸن دە بارىنشا ٶزەكتٸ. ەلٸمٸزدٸڭ اقپاراتتىق قاۋٸپسٸزدٸگٸ مەن يدەولوگييالىق دەربەستٸگٸن ساقتاۋ ٷشٸن وتاندىق جۋرناليستەردٸڭ قازاقستاندا جەنە ەلەمدە بولىپ جاتقان ٷدەرٸستەر تۋرالى ٶز كٶزقاراسى بولۋى كەرەك. بٸز قوعامعا ٷلگٸ-ٶنەگە كٶرسەتٸپ, مەملەكەت ٸسٸن ٸلگەرٸلەتۋگە اتسالىسۋىمىز قاجەت. ٶيتكەنٸ حالىقتىڭ سەنٸمٸن اقتاۋ – ازاماتتىق بورىشىمىز.
بٸز تاتۋلىق پەن بٸرلٸكتٸ ساقتاي وتىرىپ, جاڭا قازاقستاندى قۇرۋ جولىندا جاڭا بەلەستەردٸ بٸرگە باعىندىراتىنىمىزعا سەنەمٸن. بارشاڭىزعا شىعارماشىلىق شابىت, تولاعاي تابىس تٸلەيمٸن!" - دەلٸنگەن حاتتا.
