مەملەكەت باسشىسى بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعاريندٸ قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنتكە اگەنتتٸكتٸڭ تۇرعىن ٷي, قۇرىلىس ماتەريالدارى, ەلەۋمەتتٸك ماڭىزى بار ازىق-تٷلٸك ٶنٸمدەرٸ جەنە جانار-جاعارماي نارىقتارىنداعى باعالاردى تۇراقتاندىرۋ جٶنٸندەگٸ جۇمىستارى تۋرالى ەسەپ بەرٸلدٸ.
اگەنتتٸك تٶراعاسىنىڭ ايتۋىنشا, اتالعان سالالار بويىنشا مونوپوليياعا قارسى قابىلدانعان شارالاردىڭ نەتيجەسٸندە بٸرقاتار ٸرٸ قۇرىلىس كومپانييالارى باستاپقى تۇرعىن ٷي باعاسىن ماۋسىم-تامىز ايلارىندا ورتا ەسەپپەن 7-20 پايىزعا تٶمەندەتكەن, قۇرىلىس ماتەريالدارى باعاسىنىڭ ٶسۋٸ سەۋٸر ايىنداعى 10,9 پايىزدان, تامىز ايىندا 3,2 پايىزعا دەيٸن, بەنزين باعاسى سەۋٸر ايىنداعى 8,4 پايىزدان, مامىر ايىندا 0,2 پايىزعا دەيٸن ارزانداعان. قازٸر دە وسى باعالار ساقتالىپ وتىر.
ەلەۋمەتتٸك ماڭىزى بار ازىق-تٷلٸك ٶنٸمدەرٸ باعاسىنىڭ اپتا سايىنعى قىمباتتاۋ كٶرسەتكٸشٸ سەۋٸر ايىنداعى 0,6 پايىزدان 14 قىركٷيەكتەگٸ مەلٸمەت بويىنشا 0,1 پايىزعا دەيٸن ازايعان.
مەملەكەت باسشىسىنا تاۋار بيرجالارىنداعى كوممۋنالدىق-تۇرمىستىق كٶمٸر ساۋداسىنىڭ بارىسى تۋرالى باياندالدى. وندا جەرگٸلٸكتٸ وپەراتورلار وتىندى شاعىن پارتييالارمەن تٸكەلەي ساتىپ الۋعا مٷمكٸندٸك الادى.
قاسىم-جومارت توقاەۆقا اگەنتتٸكتٸڭ دەرٸلٸك زاتتاردىڭ باعاسىن قايتا رەتتەۋ, راديوجيٸلٸكتەردٸ اۋكتسيونعا شىعارۋ ارقىلى موبيلدٸ بايلانىس نارىعىندا بەسەكەلەستٸك قالىپتاستىرۋعا جاعداي جاساۋ, جولاۋشىلار تاسىمالى 2 ميلليون ادامنان اساتىن ەۋەجايلارداعى جەردە قىزمەت كٶرسەتۋ تٷرلەرٸنە تەۋەلسٸز تاسىمالداۋشىلاردىڭ قول جەتكٸزۋٸن قامتاماسىز ەتۋ, سونداي-اق فارماتسەۆتيكا, جول قۇرىلىسى, مەديتسينا سالالارىندا جٷرگٸزٸپ جاتقان مونوپوليياعا قارسى باقىلاۋ شارالارى تۋرالى مەلٸمەت بەرٸلدٸ.
سونىمەن قاتار سەرٸك جۇمانعارين مەملەكەت باسشىسىنا اگەنتتٸكتٸڭ كەدەرگٸلەر جٶنٸندەگٸ كەڭەس الاڭدارىندا بەسەكەلەستٸكتٸ دامىتۋعا قاتىستى شەكتەۋلەردٸ جويۋ قىزمەتٸ, بەسەكەلەستٸك مەسەلەلەرٸ جٶنٸندەگٸ زاڭ جوباسى, بەسەكەلەستٸكتٸ دامىتۋ تۇجىرىمداماسىنىڭ ەزٸرلەمەسٸ, ەكونوميكالىق ىنتىماقتاستىق جەنە دامۋ ۇيىمىنا مٷشە ەلدەردەگٸ بەسەكەلەستٸكتٸ دامىتۋدىڭ سوڭعى ٷردٸستەرٸ تۋرالى ايتتى.
كەزدەسۋ سوڭىندا مەملەكەت باسشىسى ەلەۋمەتتٸك ازىق-تٷلٸك پەن تاۋارلاردىڭ باعاسىن باقىلاۋدا ۇستاۋدى تاپسىردى.
