قازاقستان بيلٸگٸ اتوم ەلەكتر ستانتسيياسىن سالۋدى جوسپارلاپ وتىرعان جوق. بۇل تۋرالى مەملەكەت باسشىسى قاسىم-جومارت توقاەۆ مەلٸمدەدٸ, دەپ حابارلايدى Sputnik قازاقستان تٸلشٸسٸ.
"اتوم ەلەكتر ستانتسيياسىن سالۋ جوسپارىمىزدا جوق. ەگەر بولسا, مٸندەتتٸ تٷردە حالىقپەن اقىلداسامىز. تٸپتٸ قاجەت بولسا, بۇل مەسەلە بويىنشا رەفەرەندۋم ٶتكٸزەمٸز. سەبەبٸ بۇل ٶتە جاۋاپتى, ٶتە ٶزەكتٸ مەسەلە. سوندىقتان مەن ۋەدەمدٸ ورىندايمىن", - دەدٸ توقاەۆ باق ٶكٸلدەرٸمەن كەزدەسۋٸندە.
ايتا كەتسەك, 3 سەۋٸردە قازاقستان پرەزيدەنتٸ قاسىم-جومارت توقاەۆتىڭ مەسكەۋگە ساپارى بارىسىندا رەسەي پرەزيدەنتٸ ۆلاديمير پۋتين قازاقستاندا اتوم ەلەكتر ستانتسيياسىن سالۋدى ۇسىنعان ەدٸ. وسىدان كەيٸن, ەنەرگەتيكا مينيسترٸنٸڭ ورىنباسارى ماعزۇم مىرزاعاليەۆ اتوم ەلەكتر ستانتسيياسى الماتى وبلىسىنىڭ ٷلكەن اۋماعىندا سالىنۋى مٷمكٸن ەكەنٸن ايتتى.
مىرزاعاليەۆتٸڭ ايتۋىنشا, رەسەي مەن قازاقستان ۇزاق جىلدار بويى ىنتىماقتاسىپ كەلەدٸ, ۋران ٶندٸرۋ بويىنشا ورتاق جوبالارى بار.
بۇدان بۇرىن رەسەيدٸڭ قازاقستانداعى ەلشٸسٸ الەكسەي بوروداۆكين "روساتوم" كومپانيياسى قازاقستانداعى العاشقى اتوم ەلەكتر ستانتسيياسىن سالادى دەپ ٷمٸتتەنەتٸنٸن ايتقان ەدٸ.
