Qazaqstan biligi atom elektr stantsiiasyn salýdy josparlap otyrǵan joq. Bul týraly memleket basshysy Qasym-Jomart Toqaev málimdedi, dep habarlaidy Sputnik Qazaqstan tilshisi.
"Atom elektr stantsiiasyn salý josparymyzda joq. Eger bolsa, mindetti túrde halyqpen aqyldasamyz. Tipti qajet bolsa, bul másele boiynsha referendým ótkizemiz. Sebebi bul óte jaýapty, óte ózekti másele. Sondyqtan men ýádemdi oryndaimyn", - dedi Toqaev BAQ ókilderimen kezdesýinde.
Aita ketsek, 3 sáýirde Qazaqstan prezidenti Qasym-Jomart Toqaevtyń Máskeýge sapary barysynda Resei prezidenti Vladimir Pýtin Qazaqstanda atom elektr stantsiiasyn salýdy usynǵan edi. Osydan keiin, energetika ministriniń orynbasary Maǵzum Myrzaǵaliev atom elektr stantsiiasy Almaty oblysynyń Úlken aýmaǵynda salynýy múmkin ekenin aitty.
Myrzaǵalievtiń aitýynsha, Resei men Qazaqstan uzaq jyldar boiy yntymaqtasyp keledi, ýran óndirý boiynsha ortaq jobalary bar.
Budan buryn Reseidiń Qazaqstandaǵy elshisi Aleksei Borodavkin "Rosatom" kompaniiasy Qazaqstandaǵy alǵashqy atom elektr stantsiiasyn salady dep úmittenetinin aitqan edi.
