كٶرنەكٸ سۋرەت
قر پرەزيدەنتٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا بٸر ادامنىڭ قانشا جەرگە يەلٸك ەتە الاتىنىن نورماتيۆپەن بەكٸتۋدٸ تاپسىردى, دەپ حابارلايدى قازاقپارات.
«جەردٸ ۇتىمدى پايدالانۋ مەسەلەسٸندەگٸ ماڭىزدى مٸندەتتەردٸڭ بٸرٸ – ونىڭ بٸر قولعا شوعىرلانۋىنا جول بەرمەۋ. مەن بۇل تۋرالى بۇرىن دا ايتقانمىن. بۇل جەردە مەن ٶنٸمنٸڭ ەمەس, جەردٸڭ شوعىرلانۋىن ايتىپ وتىرمىن. نەعۇرلىم كٶبٸرەك جەر الىپ, بٸراق ينۆەستيتسييا سالمايتىندار بار. بٸرقاتار ٶڭٸردە مەسليحات شەشٸمٸمەن ٷلەس مٶلشەرٸ عىلىمي نەگٸزدەلگەن تەسٸلدەرسٸز بەكٸتٸلگەن. اتىراۋ وبلىسىندا بٸر ادامعا - 89 مىڭ گەكتار, الماتى وبلىسىندا - 96 مىڭ گەكتار, شىعىس قازاقستان وبلىسىندا - 69 مىڭ گەكتار جەر بٶلٸنٸپ كەتكەن. ال اۋىل شارۋاشىلىعى مينيسترلٸگٸ بٸر قولدا 98 مىڭ گەكتارعا دەيٸن اۋىل شارۋاشىلىعى جەرٸن ۇستاۋعا رۇقسات بەرەتٸن قاۋلى جوباسىن ەزٸرلەدٸ. بۇل - قازٸر قولىندا اۋقىمدى القاپتارى بار ادامداردىڭ يەلٸگٸن ساقتاپ قالۋ ەرەكەتٸنە ۇقسايدى. ياعني, وسى ٷردٸستٸ نورماتيۆتٸك بازا رەتٸندە بەكٸتۋگە تالپىنۋ», - دەدٸ قاسىم-جومارت توقاەۆ.
ونىڭ ايتۋىنشا, مەملەكەت بٸر ادامنىڭ اۋقىمدى جەر ۋچاسكەلەرٸنە يەلٸك ەتۋٸنە قارسى ەمەس.
«مۇنىڭ جاقسى جاعى بار. ەكونوميكالىق اينالىمعا جەر كٶبٸرەك تٷسەدٸ, ونداي اۋقىمنىڭ تيٸمدٸلٸگٸ دە بولادى – بەسەكەگە قابٸلەت ارتادى. وعان قارىمتا قاتاڭ مٸندەتتەمەلەر, جەردٸ ناقتى پايدالانۋ جاۋاپكەرشٸلٸگٸ بولۋى كەرەك. سوندىقتان ٷكٸمەتكە جەر ۋچاسكەلەرٸنٸڭ شەكتٸ مٶلشەرٸن انىقتاۋ ٷشٸن ساراپشىلار مەن عىلىمي ينستيتۋتتاردىڭ قاتىسۋىمەن جۇمىس توبىن قۇرۋدى تاپسىرامىن. ونى وسى جىلدىڭ 1 مامىرىنا دەيٸن بەكٸتۋ كەرەك», - دەدٸ پرەزيدەنت.
