مەملەكەت باسشىسى قاسىم-جومارت توقاەۆ رەسپۋبليكا كٷنٸنە وراي اقوردادا بٸر توپ ازاماتقا مەملەكەتتٸك ناگرادالار مەن مەملەكەتتٸك سىيلىقتار تاپسىردى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنت, ەڭ الدىمەن, سالتاناتتى شاراعا جينالعان قاۋىمدى رەسپۋبليكا كٷنٸمەن قۇتتىقتادى.
– بۇل – قازاقتىڭ سان عاسىرلىق مەملەكەتتٸلٸك دەستٷرٸ جاڭعىرعان كٷن. بۇل – بوستاندىق ٷشٸن كٷرەسكەن بابالار ارمانى اقيقاتقا اينالعان كٷن. 1990 جىلى 25 قازاندا قازاقستاننىڭ ەگەمەندٸگٸ تۋرالى دەكلاراتسييا قابىلداندى. بۇل قۇجات تەۋەلسٸزدٸگٸمٸزدٸڭ ساياسي-قۇقىقتىق نەگٸزٸن قالىپتاستىردى. بٸر سٶزبەن ايتساق, دەكلاراتسييا – ەلٸمٸزدٸڭ تەۋەلسٸزدٸك الۋىنا جول اشقان اقجولتاي قۇجات, – دەدٸ قاسىم-جومار توقاەۆ.
پرەزيدەنتتٸڭ ايتۋىنشا, ەگەمەندٸككە باستايتىن قاسيەتتٸ جولدى حالقىمىز ۇزاق جىلدار بويى جٷرٸپ ٶتتٸ. ەل اعالارى مەن زييالىلار ۇلتتىڭ ساناسىن ساقتاۋ ٷشٸن قولىنان كەلگەننٸڭ بەرٸن جاسادى. ۇلتىمىزدىڭ ازاتتىققا دەگەن ۇمتىلىسى جەلتوقسان وقيعاسىندا ايقىن كٶرٸندٸ. ەگەمەندٸك دەكلاراتسيياسىن حالقىمىزدىڭ جان-جاقتى جەنە ۇزاق جىلعى كٷرەسٸنٸڭ نەتيجەسٸ دەۋگە بولادى.
– مەن ۇلىتاۋدا ٶتكەن القالى جيىندا رەسپۋبليكا كٷنٸنە ۇلتتىق مەرەكە مەرتەبەسٸن قايتارۋدى ۇسىندىم. ونى قازاقستاننىڭ باستى مەيرامى رەتٸندە اتاپ ٶتۋ تۋرالى باستاما كٶتەردٸم. بۇل باستاما حالىقتىڭ كەڭ قولداۋىنا يە بولىپ, تيٸستٸ زاڭعا ٶزگەرٸس ەنگٸزٸلدٸ. بيىلدان باستاپ رەسپۋبليكا كٷنٸ – ۇلتتىق مەرەكە. ەندٸ بۇل مەيرامدى كٷللٸ ەل بولىپ جاڭا مازمۇندا اتاپ ٶتەتٸن بولامىز. قايتا جاڭعىرعان رەسپۋبليكا كٷنٸ – بۇل حالقىمىزدىڭ رۋحىن كٶتەرٸپ, ەلدٸگٸمٸزدٸ نىعايتا تٷسەتٸن اسا ماڭىزدى تاريحي قادام, – دەدٸ مەملەكەت باسشىسى.
قاسىم-جومارت توقاەۆ «رەسپۋبليكا» سٶزٸ لاتىن تٸلٸنەن اۋدارعاندا «ورتاق ٸس» دەگەن ماعىنا بەرەتٸنٸن اتاپ ٶتٸپ, رەسپۋبليكا ٶز ٸسٸنە جاۋاپتى ازاماتتاردىڭ ورتاق ٸس-ەرەكەتٸنٸڭ ارقاسىندا قۇرىلاتىنىنا توقتالدى.
– ازاماتتار – مەملەكەتتٸڭ ارقاۋى. ازاماتتارى بولماسا, مەملەكەت تە بولمايدى. قۋاتتى جەنە قارقىندى دامۋ جولىنا تٷسكەن مەملەكەت ازاماتتاردىڭ قۇقىقتارىنا جەنە ولاردىڭ ەركٸندٸگٸنە مىزعىماس كەپٸل بولادى. حالقى جاسامپاز, وتانشىل جەنە ەڭبەكقور ەل عانا تولاعاي تابىسقا جەتەرٸ انىق. سوندىقتان بٸزدٸڭ وسى جولداعى باعدارىمىز – بارشاعا ايقىن. «ادام مەملەكەت ٷشٸن ەمەس, مەملەكەتتٸڭ يگٸلٸگٸ ادام ٷشٸن» قاعيداسى باستى ۇستانىمعا اينالدى, – دەدٸ ول.
پرەزيدەنتتٸڭ ايتۋىنشا, مەملەكەت قۇرۋ تەجٸريبەسٸ, تاريح سىنى مەن زامان تالابى شىنايى سيمۆولداردى ايقىنداپ بەرەدٸ.
– بٸزدٸڭ پاسپورت بٷكٸل ەلەمدە قۇرمەتتەلەدٸ, وعان ەشقانداي كەدەرگٸ جوق. قازاقستان ازاماتتارى شەت مەملەكەتتەردٸڭ ۆيزاسىن الىپ, شەكارالاردى كەسٸپ ٶتەدٸ, قىزمەتتٸك جەنە جەكە ماقساتتا شەتەلگە ەركٸن شىعادى. بۇل – بٸزدٸڭ ەتنوسارالىق تولەرانتتىلىق پەن دوستىقتى نىعايتۋ جٶنٸندەگٸ ساياساتىمىزدىڭ, سونداي-اق حالىقارالىق قاۋٸپسٸزدٸك پەن ىنتىماقتاستىقتى قامتاماسىز ەتۋگە باعىتتالعان دەيەكتٸ باعدارىمىزدىڭ نەتيجەسٸ, – دەدٸ مەملەكەت باسشىسى.
سونىمەن قاتار پرەزيدەنت ەلٸمٸزدٸڭ بارشا ازاماتتارىن بٸرٸكتٸرٸپ, ورتاق ٸسكە جۇمىلدىراتىن تاعى بٸر سيمۆولى مەملەكەتتٸك تۋ ەكەنٸن اتاپ ٶتتٸ.
– ەربٸر ازاماتىمىز قاستەرلٸ وتانىمىزعا دەگەن سٷيٸسپەنشٸلٸگٸن مەملەكەتتٸك رەمٸزدەرگە قۇرمەتٸ ارقىلى كٶرسەتە الادى. قازٸر بايراعىمىزدى قوعامدىق جەرلەردە جەنە جەكەمەنشٸك ورىنداردا قويۋعا ەش تىيىم جوق. بٸز دومبىراعا ەر قازاقتىڭ تٶرٸنەن ورىن بار دەيمٸز. بۇل – دۇرىس. سول سيياقتى ەلٸمٸزدٸڭ ەر وتباسىندا كٶك بايراعىمىز تۇرسا, ٶتە جاراسىمدى بولاتىنى سٶزسٸز. بٸزدٸڭ تۋىمىزدا حالقىمىزدىڭ بٷكٸل رۋحى كٶرٸنٸس تاپقان, – دەدٸ توقاەۆ.
مەملەكەت باسشىسى قازاقستان حالقىن ۇيىستىراتىن تاعى بٸر قۇندىلىق – مەملەكەتتٸك تٸل ەكەنٸن ايتىپ, قازاق تٸلٸنٸڭ مەڭگٸلٸك مەملەكەتتٸك تٸل تۇعىرىندا بولاتىنىن جەتكٸزدٸ.
– قازاق تٸلٸنٸڭ قولدانىس اياسىن ارتتىرا بەرۋ – مەملەكەتتٸڭ مٸندەتٸ. بۇل جۇمىس ەش توقتامايدى, جالعاسا بەرەدٸ. جاقىندا مەن «ٶز تٸلٸڭ – بٸرلٸك ٷشٸن, ٶزگە تٸلدەر – تٸرلٸك ٷشٸن» دەپ ايتتىم. جاستارىمىز كٶپ تٸل بٸلگەن سايىن بەسەكەگە قابٸلەتتٸ, بٸلٸكتٸ مامان بولادى. تٸل, ۇلتارالىق قاتىناس – ٸشكٸ تۇراقتىلىققا ىقپال ەتەتٸن ٶزارا تىعىز ەرٸ ماڭىزدى فاكتورلار. سوندىقتان مۇنداي ماڭىزدى مەسەلەلەردەن ساياسي قۇرال جاساۋعا بولمايدى. وسىنداي قوعامدىق تۇرعىدان سەزٸمتال مەسەلەلەردٸ ساياسيلاندىرۋدىڭ كەسٸرٸنەن كەيبٸر ەلدەر قاسٸرەتتٸ جاعدايعا ۇشىرادى. بۇل – بٸزدٸڭ جول ەمەس, – دەدٸ پرەزيدەنت.
قاسىم-جومارت توقاەۆتىڭ ايتۋىنشا, رەسپۋبليكا كٷنٸ باستى ۇلتتىق مەرەكە رەتٸندە, شىن مەنٸندە, جالپىحالىقتىق مەيرامعا اينالۋعا تيٸس. ازاماتتار رەسپۋبليكا كٷنٸ يدەياسىن زور قۋانىشپەن قابىل الدى. پرەزيدەنت ەر ٶڭٸردە سالتاناتتى مەرەكەلٸك شارالار, عىلىمي كونفەرەنتسييالار, شىعارماشىلىق بايقاۋلار, سپورت جارىستارى, پاتريوتتىق, ۆولونتەرلٸك جەنە قايىرىمدىلىق اكتسييالارى ۇيىمداستىرىلىپ جاتقانىن اتاپ ٶتٸپ, بٸزگە رەسپۋبليكا كٷنٸنٸڭ مەن-ماڭىزىن بارىنشا ايشىقتايتىن جالپىۇلتتىق باستامالار كەرەك ەكەنٸن ايتتى.
سونىمەن قاتار مەملەكەت باسشىسى جاڭا ستراتەگييالىق باعدارىمىزدى ايقىنداۋ ماڭىزدى ەكەنٸن ايتىپ, سوڭعى جىلدارى تٷرلٸ سالادا تٷبەگەيلٸ رەفورمالار قولعا الىنعانىن جەتكٸزدٸ.
– ماقساتىمىز – ەدٸلەتتٸ قازاقستاندى قۇرۋ. قازٸر بٸز وسى كٷردەلٸ جولدىڭ باسىندا تۇرمىز. مەن ٷشٸن حالىقتىڭ جەنە مەملەكەتتٸڭ مٷددەسٸ بەرٸنەن بيٸك. سول سەبەپتٸ مەن وسى ستراتەگييالىق باعىتتى ەلٸمٸزدٸڭ باستى باعدارى رەتٸندە جارييالادىم. بۇل جولداعى بارلىق جاۋاپكەرشٸلٸك جٷگٸن ارقالاۋعا دايىنمىن, – دەدٸ پرەزيدەنت.
توقاەۆ ەدٸلەتتٸ قازاقستاندا ەكونوميكالىق ساياسات ازاماتتاردىڭ ٶز قارىم-قابٸلەتٸن ٸسكە اسىرۋعا, وتانداستارىمىزدىڭ تۇرمىس ساپاسىنىڭ ۇدايى جاقسارۋىنا مول مٷمكٸندٸكتەر مەن تەڭ جاعداي جاساۋعا باعىتتالاتىنىن ايتتى. سونداي-اق سوت جٷيەسٸ مەن قۇقىق قورعاۋ سالاسىنداعى رەفورمالار جالعاسادى, زاڭ مەن تەرتٸپ ازاماتتاردىڭ مەملەكەتكە دەگەن سەنٸمٸن ارتتىرۋدىڭ نەگٸزگٸ فاكتورىنا اينالادى.
– ادامدار – بٸزدٸڭ باستى بايلىعىمىز, ەكونوميكالىق جەنە قوعامدىق دامۋدىڭ باستى قوزعاۋشى كٷشٸ. سوندىقتان بٸز ادام ەلەۋەتٸن ارتتىرۋعا باعىتتالعان ستراتەگييالىق ينۆەستيتسييانى ۇلعايتامىز, جاستارىمىز بەن ەلەۋمەتتٸك ەلسٸز ساناتتاعى ازاماتتارىمىزدى جان-جاقتى قولدايمىز. تٷپتەپ كەلگەندە, بٸز بٷكٸل قۇندىلىقتار جٷيەسٸن قايتا قاراپ, ۇلتتىڭ جاڭا بولمىسىن قالىپتاستىرۋىمىز كەرەك, – دەدٸ مەملەكەت باسشىسى.
پرەزيدەنت سٶزٸنٸڭ سوڭىندا ەلدٸڭ دامۋىنا ەلەۋلٸ ەڭبەك سٸڭٸرگەن بٸرقاتار ازاماتتى جوعارى مەملەكەتتٸك ناگرادالارمەن ماراپاتتادى. سونداي-اق رۋحانييات سالاسىنا زور ٷلەس قوسقان شىعارماشىلىق ٶكٸلدەرٸنە اباي اتىنداعى ەدەبيەت جەنە ٶنەر سالاسىنداعى مەملەكەتتٸك سىيلىقتى تاپسىردى.
قاسىم-جومارت توقاەۆتىڭ سٶيلەگەن سٶزٸنٸڭ تولىق مەتٸنٸمەن مىنا سٸلتەمە ارقىلى تانىسۋعا بولادى.
