Memleket basshysy Qasym-Jomart Toqaev Respýblika kúnine orai Aqordada bir top azamatqa memlekettik nagradalar men memlekettik syilyqtar tapsyrdy, dep habarlaidy "Ult aqparat" Aqordanyń resmi saityna silteme jasap.
Prezident, eń aldymen, saltanatty sharaǵa jinalǵan qaýymdy Respýblika kúnimen quttyqtady.
– Bul – qazaqtyń san ǵasyrlyq memlekettilik dástúri jańǵyrǵan kún. Bul – bostandyq úshin kúresken babalar armany aqiqatqa ainalǵan kún. 1990 jyly 25 qazanda Qazaqstannyń Egemendigi týraly deklaratsiia qabyldandy. Bul qujat Táýelsizdigimizdiń saiasi-quqyqtyq negizin qalyptastyrdy. Bir sózben aitsaq, Deklaratsiia – elimizdiń Táýelsizdik alýyna jol ashqan aqjoltai qujat, – dedi Qasym-Jomar Toqaev.
Prezidenttiń aitýynsha, egemendikke bastaityn qasietti joldy halqymyz uzaq jyldar boiy júrip ótti. El aǵalary men ziialylar ulttyń sanasyn saqtaý úshin qolynan kelgenniń bárin jasady. Ultymyzdyń azattyqqa degen umtylysy Jeltoqsan oqiǵasynda aiqyn kórindi. Egemendik deklaratsiiasyn halqymyzdyń jan-jaqty jáne uzaq jylǵy kúresiniń nátijesi deýge bolady.
– Men Ulytaýda ótken alqaly jiynda Respýblika kúnine ulttyq mereke mártebesin qaitarýdy usyndym. Ony Qazaqstannyń basty meiramy retinde atap ótý týraly bastama kóterdim. Bul bastama halyqtyń keń qoldaýyna ie bolyp, tiisti zańǵa ózgeris engizildi. Biyldan bastap Respýblika kúni – ulttyq mereke. Endi bul meiramdy kúlli el bolyp jańa mazmunda atap ótetin bolamyz. Qaita jańǵyrǵan Respýblika kúni – bul halqymyzdyń rýhyn kóterip, eldigimizdi nyǵaita túsetin asa mańyzdy tarihi qadam, – dedi Memleket basshysy.
Qasym-Jomart Toqaev «respýblika» sózi latyn tilinen aýdarǵanda «ortaq is» degen maǵyna beretinin atap ótip, respýblika óz isine jaýapty azamattardyń ortaq is-áreketiniń arqasynda qurylatynyna toqtaldy.
– Azamattar – memlekettiń arqaýy. Azamattary bolmasa, memleket te bolmaidy. Qýatty jáne qarqyndy damý jolyna túsken memleket azamattardyń quqyqtaryna jáne olardyń erkindigine myzǵymas kepil bolady. Halqy jasampaz, otanshyl jáne eńbekqor el ǵana tolaǵai tabysqa jeteri anyq. Sondyqtan bizdiń osy joldaǵy baǵdarymyz – barshaǵa aiqyn. «Adam memleket úshin emes, memlekettiń igiligi adam úshin» qaǵidasy basty ustanymǵa ainaldy, – dedi ol.
Prezidenttiń aitýynsha, memleket qurý tájiribesi, tarih syny men zaman talaby shynaiy simvoldardy aiqyndap beredi.
– Bizdiń pasport búkil álemde qurmetteledi, oǵan eshqandai kedergi joq. Qazaqstan azamattary shet memleketterdiń vizasyn alyp, shekaralardy kesip ótedi, qyzmettik jáne jeke maqsatta shetelge erkin shyǵady. Bul – bizdiń etnosaralyq toleranttylyq pen dostyqty nyǵaitý jónindegi saiasatymyzdyń, sondai-aq halyqaralyq qaýipsizdik pen yntymaqtastyqty qamtamasyz etýge baǵyttalǵan dáiekti baǵdarymyzdyń nátijesi, – dedi Memleket basshysy.
Sonymen qatar Prezident elimizdiń barsha azamattaryn biriktirip, ortaq iske jumyldyratyn taǵy bir simvoly memlekettik tý ekenin atap ótti.
– Árbir azamatymyz qasterli Otanymyzǵa degen súiispenshiligin memlekettik rámizderge qurmeti arqyly kórsete alady. Qazir bairaǵymyzdy qoǵamdyq jerlerde jáne jekemenshik oryndarda qoiýǵa esh tyiym joq. Biz dombyraǵa ár qazaqtyń tórinen oryn bar deimiz. Bul – durys. Sol siiaqty elimizdiń ár otbasynda kók bairaǵymyz tursa, óte jarasymdy bolatyny sózsiz. Bizdiń týymyzda halqymyzdyń búkil rýhy kórinis tapqan, – dedi Toqaev.
Memleket basshysy Qazaqstan halqyn uiystyratyn taǵy bir qundylyq – memlekettik til ekenin aityp, qazaq tiliniń máńgilik memlekettik til tuǵyrynda bolatynyn jetkizdi.
– Qazaq tiliniń qoldanys aiasyn arttyra berý – memlekettiń mindeti. Bul jumys esh toqtamaidy, jalǵasa beredi. Jaqynda men «Óz tiliń – birlik úshin, ózge tilder – tirlik úshin» dep aittym. Jastarymyz kóp til bilgen saiyn básekege qabiletti, bilikti maman bolady. Til, ultaralyq qatynas – ishki turaqtylyqqa yqpal etetin ózara tyǵyz ári mańyzdy faktorlar. Sondyqtan mundai mańyzdy máselelerden saiasi qural jasaýǵa bolmaidy. Osyndai qoǵamdyq turǵydan sezimtal máselelerdi saiasilandyrýdyń kesirinen keibir elder qasiretti jaǵdaiǵa ushyrady. Bul – bizdiń jol emes, – dedi Prezident.
Qasym-Jomart Toqaevtyń aitýynsha, Respýblika kúni basty ulttyq mereke retinde, shyn máninde, jalpyhalyqtyq meiramǵa ainalýǵa tiis. Azamattar Respýblika kúni ideiasyn zor qýanyshpen qabyl aldy. Prezident ár óńirde saltanatty merekelik sharalar, ǵylymi konferentsiialar, shyǵarmashylyq baiqaýlar, sport jarystary, patriottyq, volonterlik jáne qaiyrymdylyq aktsiialary uiymdastyrylyp jatqanyn atap ótip, bizge Respýblika kúniniń mán-mańyzyn barynsha aishyqtaityn jalpyulttyq bastamalar kerek ekenin aitty.
Sonymen qatar Memleket basshysy jańa strategiialyq baǵdarymyzdy aiqyndaý mańyzdy ekenin aityp, sońǵy jyldary túrli salada túbegeili reformalar qolǵa alynǵanyn jetkizdi.
– Maqsatymyz – Ádiletti Qazaqstandy qurý. Qazir biz osy kúrdeli joldyń basynda turmyz. Men úshin halyqtyń jáne memlekettiń múddesi bárinen biik. Sol sebepti men osy strategiialyq baǵytty elimizdiń basty baǵdary retinde jariialadym. Bul joldaǵy barlyq jaýapkershilik júgin arqalaýǵa daiynmyn, – dedi Prezident.
Toqaev Ádiletti Qazaqstanda ekonomikalyq saiasat azamattardyń óz qarym-qabiletin iske asyrýǵa, otandastarymyzdyń turmys sapasynyń udaiy jaqsarýyna mol múmkindikter men teń jaǵdai jasaýǵa baǵyttalatynyn aitty. Sondai-aq sot júiesi men quqyq qorǵaý salasyndaǵy reformalar jalǵasady, zań men tártip azamattardyń memleketke degen senimin arttyrýdyń negizgi faktoryna ainalady.
– Adamdar – bizdiń basty bailyǵymyz, ekonomikalyq jáne qoǵamdyq damýdyń basty qozǵaýshy kúshi. Sondyqtan biz adam áleýetin arttyrýǵa baǵyttalǵan strategiialyq investitsiiany ulǵaitamyz, jastarymyz ben áleýmettik álsiz sanattaǵy azamattarymyzdy jan-jaqty qoldaimyz. Túptep kelgende, biz búkil qundylyqtar júiesin qaita qarap, ulttyń jańa bolmysyn qalyptastyrýymyz kerek, – dedi Memleket basshysy.
Prezident sóziniń sońynda eldiń damýyna eleýli eńbek sińirgen birqatar azamatty joǵary memlekettik nagradalarmen marapattady. Sondai-aq rýhaniiat salasyna zor úles qosqan shyǵarmashylyq ókilderine Abai atyndaǵy ádebiet jáne óner salasyndaǵy Memlekettik syilyqty tapsyrdy.
Qasym-Jomart Toqaevtyń sóilegen sóziniń tolyq mátinimen myna silteme arqyly tanysýǵa bolady.
