پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ اتىراۋدا ٶتٸپ جاتقان «ۇلىق ۇلىس – التىن وردا» اتتى حالىقارالىق عىلىمي-پراكتيكالىق كونفەرەنتسييانىڭ قاتىسۋشىلارىنا قر پرەزيدەنتٸ قاسىم-جومارت توقاەۆتىڭ قۇتتىقتاۋ حاتىن وقىدى, اتتى دەپ حابارلايدى "ۇلت اقپارات".
«بارشاڭىزدى «ۇلىق ۇلىس – التىن وردا» اتتى حالىقارالىق كونفەرەنتسييانىڭ اشىلۋىمەن قۇتتىقتايمىن.
بۇل القالى جيىن تەۋەلسٸزدٸگٸمٸزدٸڭ 30 جىلدىق مەرەيلٸ بەلەسٸنە وراي ٶتكٸزٸلۋدە. التىن وردانىڭ تاريحى قازٸرگٸ قازاق مەملەكەتتٸلٸگٸنٸڭ جىلناماسىمەن تىعىز بايلانىستى. ەيگٸلٸ جوشى حان كەسەنەسٸ مەن سارايشىق قالاسىنىڭ قازاقستان اۋماعىندا ورنالاسۋى جەنە شەتەل مۇراعاتتارىنان كٶپتەگەن جازبا دەرەكتەردٸڭ تابىلۋى – وسىنىڭ ايقىن دەلەلٸ.
شىن مەنٸندە, التىن وردانىڭ تاريحى ەلٸ دە تەرەڭ زەرتتەۋدٸ قاجەت ەتەدٸ. تٷرلٸ سەبەپتەرگە بايلانىستى تٶل شەجٸرەمٸزدٸڭ وسى بٸرنەشە عاسىرلىق كەزەڭٸ نازاردان تىس قالدى», - دەلٸنگەن مەملەكەت باسشىسىنىڭ قۇتتىقتاۋىندا.
سونداي-اق, پرەزيدەنت ەلٸمٸز ەگەمەندٸگٸن العاننان كەيٸن عانا بۇل ولقىلىقتىڭ ورنىن تولتىرۋعا جول اشىلعانىن ەسكە سالدى.
«ەلباسىنىڭ باستاماسىمەن قولعا الىنعان اۋقىمدى باعدارلامالار جۇرتىمىزدىڭ تاريحي ساناسىن جاڭعىرتۋعا زور ٷلەس قوستى. سانمىڭجىلدىق شەجٸرەمٸزدەگٸ ساباقتاستىق جالعاسىن تاۋىپ, ۇلتتىق رۋحىمىز بيٸكتەي تٷستٸ.
بٸز التىن وردا دەۋٸرٸنەن جەتكەن قۇندى جەدٸگەرلەردٸ دٷنيە جٷزٸنە تانىتىپ, ونى تۋريزم سالاسىن دامىتۋ ٷشٸن تيٸمدٸ پايدالانۋىمىز كەرەك. جايىق جاعاسىنداعى جەنە ۇلىتاۋ باۋرايىنداعى كٶنە ەسكەرتكٸشتەر مەن زاماناۋي كەشەندەر بۇعان تولىق مٷمكٸندٸك بەرەدٸ.
تاريحىن تٷگەندەپ, ودان تاعىلىم الا بٸلگەن ەلدٸڭ تامىرى بەرٸك بولادى.
التىن وردا كٶپتەگەن باۋىرلاس ەلدەردٸڭ تاعدىرىندا دا ايرىقشا ٸز قالدىرعان. سوندىقتان حالىقارالىق عىلىمي قاۋىمداستىقتىڭ الدىندا ورتاق شەجٸرەمٸزدٸ بٸرلەسە زەرتتەۋ مٸندەتٸ تۇر.
بٷگٸنگٸ باسقوسۋدا عالىمدارىمىز تىڭ دەرەكتەر مەن سالماقتى وي-پٸكٸرلەرٸن ورتاعا سالادى دەپ سەنەمٸن.
كونفەرەنتسييا جۇمىسىنا تابىس تٸلەيمٸن!», - دەپ جازىلعان قۇتتىقتاۋ حاتتا.
