Prezident ákimshiligi basshysynyń birinshi orynbasary Dáýren Abaev Atyraýda ótip jatqan «Ulyq ulys – Altyn Orda» atty halyqaralyq ǵylymi-praktikalyq konferentsiianyń qatysýshylaryna QR Prezidenti Qasym-Jomart Toqaevtyń quttyqtaý hatyn oqydy, atty dep habarlaidy "Ult aqparat".
«Barshańyzdy «Ulyq ulys – Altyn Orda» atty halyqaralyq konferentsiianyń ashylýymen quttyqtaimyn.
Bul alqaly jiyn táýelsizdigimizdiń 30 jyldyq mereili belesine orai ótkizilýde. Altyn Ordanyń tarihy qazirgi qazaq memlekettiliginiń jylnamasymen tyǵyz bailanysty. Áigili Joshy han kesenesi men Saraishyq qalasynyń Qazaqstan aýmaǵynda ornalasýy jáne shetel muraǵattarynan kóptegen jazba derekterdiń tabylýy – osynyń aiqyn dáleli.
Shyn máninde, Altyn Ordanyń tarihy áli de tereń zertteýdi qajet etedi. Túrli sebepterge bailanysty tól shejiremizdiń osy birneshe ǵasyrlyq kezeńi nazardan tys qaldy», - delingen Memleket basshysynyń quttyqtaýynda.
Sondai-aq, Prezident elimiz egemendigin alǵannan keiin ǵana bul olqylyqtyń ornyn toltyrýǵa jol ashylǵanyn eske saldy.
«Elbasynyń bastamasymen qolǵa alynǵan aýqymdy baǵdarlamalar jurtymyzdyń tarihi sanasyn jańǵyrtýǵa zor úles qosty. Sanmyńjyldyq shejiremizdegi sabaqtastyq jalǵasyn taýyp, ulttyq rýhymyz biiktei tústi.
Biz Altyn Orda dáýirinen jetken qundy jádigerlerdi dúnie júzine tanytyp, ony týrizm salasyn damytý úshin tiimdi paidalanýymyz kerek. Jaiyq jaǵasyndaǵy jáne Ulytaý baýraiyndaǵy kóne eskertkishter men zamanaýi keshender buǵan tolyq múmkindik beredi.
Tarihyn túgendep, odan taǵylym ala bilgen eldiń tamyry berik bolady.
Altyn Orda kóptegen baýyrlas elderdiń taǵdyrynda da airyqsha iz qaldyrǵan. Sondyqtan halyqaralyq ǵylymi qaýymdastyqtyń aldynda ortaq shejiremizdi birlese zertteý mindeti tur.
Búgingi basqosýda ǵalymdarymyz tyń derekter men salmaqty oi-pikirlerin ortaǵa salady dep senemin.
Konferentsiia jumysyna tabys tileimin!», - dep jazylǵan quttyqtaý hatta.
