مەملەكەت باسشىسى الماتى قالاسىنا جۇمىس ساپارى بارىسىندا جٷزەگە اسىرىلىپ جاتقان بٸرقاتار ينفراقۇرىلىمنىڭ جوبالارىمەن تانىستى, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸنە الماتىنىڭ حالىقارالىق ەۋەجايىن قايتا جٶندەۋ جوسپارى تانىستىرىلدى.
تٷركييانىڭ «TAV airport Holding» كومپانيياسى باس ديرەكتورىنىڭ ورىنباسارى سەركان كاپتان قاسىم-جومارت توقاەۆقا ەۋەجايدىڭ جاڭا تەرمينالىنىڭ قۇرىلىسى تۋرالى مەلٸمەت بەردٸ. جالپى كٶلەمٸ 55 مىڭ شارشى مەتر بولاتىن تەرمينال جوباسىنىڭ قۇنى 150 ميلليون ەۋرو. تەرمينال جىلىنا 6 ميلليون جولاۋشىعا قىزمەت كٶرسەتەدٸ. اتالعان نىساننىڭ قۇرىلىسى 2022 جىلدىڭ 2-توقسانىندا اياقتالادى دەپ جوسپارلانۋدا.
قاسىم-جومارت توقاەۆ الماتى قالاسىنىڭ حالىقارالىق ەۋەجايى قايتا جٶندەۋدەن ٶتكەننەن كەيٸن بۇل نىساننىڭ ورتالىق ازييا ايماعىنداعى ٸرٸ اۆياتسييالىق حابقا اينالاتىنىنا سەنٸم بٸلدٸردٸ.
سونىمەن قاتار قازاقستان پرەزيدەنتٸ بۇقتىرما كٶشەسٸ مەن قۇلجا تراكتٸسٸنٸڭ قيىلىسىندا سالىناتىن ۇزىندىعى 784 مەترلٸك كٶلٸك جولايىرىعى قۇرىلىسىنىڭ جوباسىمەن تانىستى.
مەملەكەت باسشىسىنىڭ ايتۋىنشا, اتالعان جوبا قالا جولدارىنداعى كەپتەلٸستٸ ازايتۋعا جەنە تۇرعىنداردىڭ تٸرشٸلٸگٸنە قولايلى جاعداي تۋعىزۋعا مٷمكٸندٸك بەرەدٸ.
