Memleket basshysy Almaty qalasyna jumys sapary barysynda júzege asyrylyp jatqan birqatar infraqurylymnyń jobalarymen tanysty, dep habarlaidy "Ult aqparat" Aqordaǵa silteme jasap.
Qazaqstan Prezidentine Almatynyń halyqaralyq áýejaiyn qaita jóndeý jospary tanystyryldy.
Túrkiianyń «TAV airport Holding» kompaniiasy bas direktorynyń orynbasary Serkan Kaptan Qasym-Jomart Toqaevqa áýejaidyń jańa terminalynyń qurylysy týraly málimet berdi. Jalpy kólemi 55 myń sharshy metr bolatyn terminal jobasynyń quny 150 million eýro. Terminal jylyna 6 million jolaýshyǵa qyzmet kórsetedi. Atalǵan nysannyń qurylysy 2022 jyldyń 2-toqsanynda aiaqtalady dep josparlanýda.
Qasym-Jomart Toqaev Almaty qalasynyń halyqaralyq áýejaiy qaita jóndeýden ótkennen keiin bul nysannyń Ortalyq Aziia aimaǵyndaǵy iri aviatsiialyq habqa ainalatynyna senim bildirdi.
Sonymen qatar Qazaqstan Prezidenti Buqtyrma kóshesi men Qulja traktisiniń qiylysynda salynatyn uzyndyǵy 784 metrlik kólik jolaiyryǵy qurylysynyń jobasymen tanysty.
Memleket basshysynyń aitýynsha, atalǵan joba qala joldaryndaǵy keptelisti azaitýǵa jáne turǵyndardyń tirshiligine qolaily jaǵdai týǵyzýǵa múmkindik beredi.
