دٶڭگەلەك ٷستەل فورماتىندا ٶتكەن كەزدەسۋ بارىسىندا ەلەمدٸك ەكونوميكاداعى, ساۋداداعى جەنە ساياساتتاعى جاھاندىق ٷردٸستەر تالقىلاندى. باياندامالاردا قازاقستان مەن ورتالىق ازييانى دامىتۋدىڭ پەرسپەكتيۆالارىنا جەنە «بٸر بەلدەۋ, بٸر جول» باستاماسىن جٷزەگە اسىرۋعا ەرەكشە كٶڭٸل بٶلٸندٸ, دەپ حابارلايدى "ۇلت اقپارات" اقورداعا سٸلتەمە جاساپ.
اقش-تىڭ فەدەرالدى رەزەرۆٸ تٶراعاسىنىڭ بۇرىنعى ورىنباسارى, يزرايل ورتالىق بانكٸنٸڭ ەكس-باسشىسى ستەنلي فيشەر ەلەمدٸك ەكونوميكاداعى احۋالعا ٶز پٸكٸرٸن بٸلدٸردٸ. ول قازٸرگٸ جاعدايدا تۇراقتى ەكونوميكالىق ٶسٸمدٸ قامتاماسىز ەتە الاتىن مونەتارلىق ساياساتتىڭ نەگٸزگٸ فاكتورلارىنا ەگجەي-تەگجەيلٸ توقتالدى. ساراپشى كەز كەلگەن باعىتتا تابىسقا قول جەتكٸزۋ ٷشٸن بٸلٸمنٸڭ ماڭىزدى رٶل اتقاراتىنىن ايتتى.
وكسفورد ۋنيۆەرسيتەتٸنٸڭ پروفەسسورى پيتەر فرانكوپان ورتالىق ازيياداعى جەنە ەۋرازييالىق كەڭٸستٸكتەگٸ ينتەگراتسييالىق ٷدەرٸستەرگە, سونداي-اق, «بٸر بەلدەۋ, بٸر جول» جوباسىن جٷزەگە اسىرۋ جٶنٸندەگٸ قىتاي باستاماسىنا قاتىستى ٶز پٸكٸرٸن ايتتى.
كولۋمبييانىڭ بۇرىنعى پرەزيدەنتٸ, ەلەمدٸك نوبەل سىيلىعىنىڭ لاۋرەاتى حۋان مانۋەل سانتوس كالدەرون بارلىق شيەلەنٸستٸ جاعدايلاردا بەيبٸت ديالوگتىڭ ماڭىزدى ەكەنٸن اتاپ ٶتٸپ, ۆەنەسۋەلاداعى قازٸرگٸ ساياسي تۇراقسىزدىقتىڭ لاتىن امەريكاسى ەلدەرٸنٸڭ جەنە جالپى ەلەم ەكونوميكاسى ٷشٸن قاۋٸپ تٶندٸرەتٸنٸن ايتتى.
پٸكٸرتالاسقا بەسەكەگە قابٸلەتتٸلٸك ورتالىعى IMD ديرەكتورى ارتۋرو بريس, بەيجٸڭ ۋنيۆەرسيتەتٸ, جاڭا قۇرىلىمدىق ەكونوميكا ينستيتۋتىنىڭ دەكانى دجاستين يفۋ لين, The Other Canon Foundation ساراپتامالىق ورتالىعىنىڭ نەگٸزٸن قالاۋشى ەريك راينەرت, «Nokia Corporation» كومپانيياسى ديرەكتورلار كەڭەسٸنٸڭ تٶراعاسى ريستو سييلاسماا, The Boston Consulting Group تٶراعاسى حانس-پول بيۋركنەر قاتىستى.
قازاقستان پرەزيدەنتٸ قاسىم-جومارت توقاەۆ ەلباسى نۇرسۇلتان نازارباەۆتىڭ باسشىلىعىمەن قازاقستان كەيٸنگٸ جىلدارى بەلگٸلٸ بٸر دەڭگەيدە دامىعانىن جەنە ەلٸمٸزدٸڭ ٶز قارقىنىن ودان ەرٸ ٸلگەرٸلەتە بەرەتٸنٸن اتاپ ٶتتٸ.
– قازاقستان بيٸك ماقساتتارى مەن ستراتەگييالىق جوسپارلارى بار جاھاندىق ترەندتەر ايقىندالاتىن جاڭا دەۋٸرگە قادام باستى. ولاردىڭ تابىستى جٷزەگە اسىرىلۋى ەلٸمٸزدٸڭ دامۋىنا ماڭىزدى ٷلەس قوسۋى تيٸس. بٸز بٷگٸندە بارلىق كٶرشٸلەرٸمٸزبەن, ستراتەگييالىق ەرٸپتەستەرٸمٸزبەن ىنتىماقتاستىق ورناتۋعا اشىقپىز. قازاقستان الداعى ۋاقىتتا دا ٶزٸنٸڭ دامۋ جوسپارىن جٷزەگە اسىرۋ ٷشٸن ٷزدٸك حالىقارالىق تەجٸريبەلەردٸ ەسكەرەتٸن بولادى. بٸز ٷشٸن حالىقتىڭ ەل-اۋقاتىن ارتتىرۋ, بٸلٸم جەنە دەنساۋلىق سالالارىن دامىتۋ باسىم باعىت سانالادى, – دەدٸ مەملەكەت باسشىسى.
كەزدەسۋ سوڭىندا قاسىم-جومارت توقاەۆ دٶڭگەلەك ٷستەل جۇمىسىنا قاتىسقاندارعا مازمۇندى ديالوگى جەنە قۇندى كەڭەستەرٸ ٷشٸن ريزاشىلىعىن بٸلدٸردٸ.
