بٷگٸن پرەمەر-مينيستردٸڭ ورىنباسارى ەرالى توعجانوۆ مەملەكەت باسشىسىنىڭ ەلدەگٸ ەسٸرتكٸ قىلمىسى مەن ناشاقورلىققا قارسى ٸس-قيمىلعا قاتىستى تاپسىرماسىن ورىنداۋ بويىنشا ارنايى كەڭەس ٶتكٸزدٸ. بۇل تۋرالى ٷكٸمەتتٸڭ سايتى حابارلايدى.
«بٷگٸنگٸ تاڭدا ەسٸرتكٸ قىلمىسى مەن ناشاقورلىق مەسەلەسٸ ٶتە ٶزەكتٸ. ٶكٸنٸشكە وراي, جاڭا سينتەتيكالىق ەسٸرتكٸنٸڭ نەگٸزگٸ تۇتىنۋشىلارى – جاستار. تەك وسى جىلدىڭ ٶزٸندە ەلٸمٸزدە 8,5% ٶسٸممەن 5 مىڭ ەسٸرتكٸ قىلمىسى انىقتالدى. بٸزگە بۇل باعىتتا كٷرەسۋ ٷشٸن جٷيەلٸ شارالار قاجەت», — دەپ اتاپ ٶتتٸ وعجانوۆ.
قۇقىق قورعاۋ جەنە سالالىق مەملەكەتتٸك ورگاندارعا بٸرقاتار تاپسىما بەرٸلدٸ:
- تەلەكوممۋنيكاتسييا جەلٸسٸندە, ونىڭ ٸشٸندە ينتەرنەت-بوتتاردى جەنە باسقا دا اۆتوماتتى باعدارلامالاردى پايدالانا وتىرىپ جاسالاتىن ەسٸرتكٸ قىلمىسىنىڭ جولىن كەسۋ;
- تيٸمدٸ مەملەكەتتٸك جەنە ەلەۋمەتتٸك باقىلاۋدى بەلگٸلەي وتىرىپ, ناشاقورلىقتىڭ باستاپقى پروفيلاكتيكاسىنىڭ تەڭگەرٸمدٸ جٷيەسٸن قۇرۋ;
- ەسٸرتكٸگە تەۋەلدٸ ادامداردى ەمدەۋ ەدٸستەرٸن جەتٸلدٸرۋ, اۋماقتىق سوت ساراپتاماسى ورگاندارىنىڭ مەملەكەتتٸك ەسٸرتكٸ ديسپانسەرلەرٸن ماتەريالدىق-تەحنيكالىق جاراقتاندىرۋدى جاقسارتۋ;
- قۇرامىندا ەسٸرتكٸ بار ٶسٸمدٸكتەردٸڭ ٶسۋ وشاقتارىن انىقتاۋ ٷشٸن قاشىقتان زوندتاۋ جٷيەلەرٸن پايدالانۋدى كەڭەيتۋ;
- ەسٸرتكٸ زاتتارىن شەتەلدەن ەكەلۋگە جول بەرمەۋ جٶنٸندە شارالار قابىلداۋ.
كەڭەس قورىتىندىسى بويىنشا پرەمەر-مينيستردٸڭ ورىنباسارى ەلدەگٸ ەسٸرتكٸ قىلمىسى مەن ناشاقورلىققا قارسى جٷيەلٸ شارالار ەزٸرلەۋ ٷشٸن ۆەدومستۆوارالىق جۇمىس توبىن قۇرۋدى تاپسىردى.
