Búgin Premer-Ministrdiń orynbasary Eraly Toǵjanov Memleket basshysynyń eldegi esirtki qylmysy men nashaqorlyqqa qarsy is-qimylǵa qatysty tapsyrmasyn oryndaý boiynsha arnaiy keńes ótkizdi. Bul týraly Úkimettiń saity habarlaidy.
«Búgingi tańda esirtki qylmysy men nashaqorlyq máselesi óte ózekti. Ókinishke orai, jańa sintetikalyq esirtkiniń negizgi tutynýshylary – jastar. Tek osy jyldyń ózinde elimizde 8,5% ósimmen 5 myń esirtki qylmysy anyqtaldy. Bizge bul baǵytta kúresý úshin júieli sharalar qajet», — dep atap ótti oǵjanov.
Quqyq qorǵaý jáne salalyq memlekettik organdarǵa birqatar tapsyma berildi:
- telekommýnikatsiia jelisinde, onyń ishinde internet-bottardy jáne basqa da avtomatty baǵdarlamalardy paidalana otyryp jasalatyn esirtki qylmysynyń jolyn kesý;
- tiimdi memlekettik jáne áleýmettik baqylaýdy belgilei otyryp, nashaqorlyqtyń bastapqy profilaktikasynyń teńgerimdi júiesin qurý;
- esirtkige táýeldi adamdardy emdeý ádisterin jetildirý, aýmaqtyq sot saraptamasy organdarynyń memlekettik esirtki dispanserlerin materialdyq-tehnikalyq jaraqtandyrýdy jaqsartý;
- quramynda esirtki bar ósimdikterdiń ósý oshaqtaryn anyqtaý úshin qashyqtan zondtaý júielerin paidalanýdy keńeitý;
- esirtki zattaryn shetelden ákelýge jol bermeý jóninde sharalar qabyldaý.
Keńes qorytyndysy boiynsha Premer-Ministrdiń orynbasary eldegi esirtki qylmysy men nashaqorlyqqa qarsy júieli sharalar ázirleý úshin vedomstvoaralyq jumys tobyn qurýdy tapsyrdy.
