قر پرەمەر-مينيستردٸڭ ورىنباسارى ەرالى توعجانوۆ تەۋەلسٸزدٸكتٸڭ 30 جىلدىعى اياسىندا اتقارىلاتىن جۇمىستاردى اتادى, دەپ حابارلايدى قازاقپارات.
«بيىل ەرەكشە جىل – تەۋەلسٸزدٸگٸمٸزدٸڭ 30 جىلدىعى. تەۋەلسٸزدٸكتەن اسقان ەشقانداي قۇندىلىق جوق دەپ ويلايمىز. سوندىقتان 30 جىلدىڭ ٸشٸندەگٸ ەلدٸڭ جەتٸستٸگٸن, سونىڭ ٸشٸندە بيىل وسى ماڭىزدى مەرەيتويدى اتاپ ٶتۋدٸ بٸرلەسە تالقىلايمىز», - دەدٸ ە. توعجانوۆ اتالعان اقپارات مينيسترلٸگٸنٸڭ كەڭەيتٸلگەن القا مەجٸلٸسٸندە.
ٷكٸمەت باسشىسىنىڭ ورىنباسارى بٸراز مينيسترلٸكتەردٸڭ قاتىسۋىمەن تيٸستٸ تالقىلاۋلار بولعانىن, الداعى ۋاقىتتا پرەزيدەنت قاسىم-جومارت توقاەۆتىڭ تٶراعالىعىمەن جيىندار جوسپارلانىپ وتىرعانىن ايتتى.
«بۇل تاقىرىپقا ەرەكشە كٶڭٸل بٶلٸنٸپ وتىر. وعان بايلانىستى مەملەكەتتٸك ٷلكەن كوميسسييا قۇرىلعانىن جاقسى بٸلەسٸزدەر. سوندىقتان وسى باعىتتا بٸراز جۇمىس ٸستەيتٸن بولامىز. ٶزدەرٸڭٸز بٸلەسٸزدەر, پرەزيدەنت تەۋەلسٸزدٸك مەرەيتويىن اتاپ ٶتۋدٸڭ باستى قاعيدالارىن اتاپ كٶرسەتتٸ. ونىڭ ٸشٸندە بٸرٸگٸپ جاعىمدى ٶزگەرٸستەر مەن ۇتىمدى رەفورمالار جاسايتىن جىل دەپ قابىلدانۋى كەرەك. ەكٸنشٸدەن, ازاماتتاردىڭ ناقتى مەسەلەلەرٸن, ەڭ الدىمەن, ەلەۋمەتتٸك مەسەلەلەردٸ شەشەتٸن كەزەڭ دەپ قابىلداۋعا بولادى. جوسپارلانعان ٸس-شارالاردى جوعارى دەڭگەيدە ٸسكە اسىرۋعا كٷش سالىپ, تەۋەلسٸزدٸك جىلدارى قول جەتكٸزٸلگەن نەتيجەلەرٸمٸزدٸ ەل ٸشٸندە دە, حالىقارالىق دەڭگەيدە دە تاراتۋىمىز كەرەك», - دەدٸ ەرالى توعجانوۆ.
.jpeg)