استانالىق بەلسەندٸ سىرىم ەبدٸراحمانوۆتىڭ ٷستٸنەن تٶرت باپ بويىنشا قىلمىستىق ٸس قوزعالعان. ارىزدىڭ بٸرەۋٸن استانالىق شەنەۋنٸكتەردٸڭ بٸرٸ تٷسٸرگەن.
استانالىق بەلسەندٸ, تٸركەلمەگەن "الاش" حالىقتىق سوتسيال-دەموكراتييالىق پارتيياسىنىڭ جەتەكشٸسٸ سىرىم ەبدٸراحمانوۆ ەكٸ ايعا قامالدى. بۇل جايلى ازاتتىق تٸلشٸسٸنە ونىڭ ادۆوكاتى تٶلەگەن شايكوۆ حابارلادى.
ونىڭ ايتۋىنشا, قازٸرگٸ كەزدە استانا پوليتسيياسى تٶرت باپ بويىنشا پارتييا جەتەكشٸسٸنٸڭ ٷستٸنەن قىلمىستىق ٸس قوزعاعان. ارىزدىڭ بٸرەۋٸن استانالىق شەنەۋنٸكتەردٸڭ بٸرٸ تٷسٸرگەن.
- تٶرت باپ بويىنشا تەرگەۋ جٷرٸپ جاتىر. بۇلار: 274-باپ, 1-بٶلٸم ("كٶرٸنەۋ جالعان اقپارات تاراتۋ"), 380-باپ, 3-بٶلٸم, 1-پۋنكت ("بيلٸك ٶكٸلٸنە قاتىستى كٷش قولدانۋ"), 407-باپ, 2-بٶلٸم ("سوتقا دەيٸنگٸ تەرگەپ-تەكسەرۋ جٷرگiزۋگە كەدەرگi جاساۋ"), 378-باپ, 1-بٶلٸم, 1-پۋنكت ("بيلٸك ٶكٸلٸن قورلاۋ"), - دەيدٸ تٶلەگەن شايكوۆ ازاتتىق تٸلشٸسٸنە.
استانا قالالىق تەرگەۋ سوتى سىرىم ەبدٸراحمانوۆتىڭ ەكٸ ايعا قامالعانىن راستادى. سوتتىڭ باسپاسٶز حاتشىسى بوتاگٶز بايانوۆانىڭ ايتۋىنشا, قورعاۋ تارابى اپپەلياتسيياعا شاعىم تٷسٸرگەن. بٸراق شەشٸمنٸڭ قاشان شىعاتىنى بەلگٸسٸز.
ەرٸپتەستەرٸنٸڭ ايتۋىنشا, جازا تاعايىنداۋ بويىنشا سوت وتىرىسى 1 جەلتوقساندا استانا قالالىق تەرگەۋ سوتىندا ٶتكەن. بٸراق وعان ادۆوكاتى مەن قوعامدىق قورعاۋشىسىنان باسقا ەشكٸمدٸ قاتىستىرتپاعان. پارتييا حاتشىسى ەدٸلەت عابدۋللا "سوتتىڭ ەش مٷمكٸندٸك بەرمەستەن ونى بٸردەن قاماپ تاستاعانى تٷسٸنٸكسٸز بولىپ قالدى" دەيدٸ.
استانا قالالىق ٸشكٸ ٸستەر دەپارتامەنتٸنٸڭ باسپاسٶز قىزمەتٸ ەبدٸراحمانوۆقا قاتىستى "سوتقا دەيٸنگٸ تەرگەۋ امالدارى" جٷرٸپ جاتقانىن ايتىپ, سەل كەيٸنٸرەك اقپارات تاراتاتىنىن ايتتى.
ەبدٸراحمانوۆ قامالعان سوڭ ينتەرنەتتە پرەزيدەنت نۇرسۇلتان نازارباەۆقا ارناپ جازىلعان حات پايدا بولدى. وندا پارتييا ٶكٸلدەرٸ "جەمقورلىق جايلى اشىق ايتىپ جٷرگەن" ەبدٸراحمانوۆتىڭ سوڭعى بٸرنەشە ايدا بٸرنەشە رەت زاڭسىز قامالعانىن ايتىپ, قۋعىنعا ۇشىراعانىن بايانداعان. حات اۆتورلارى ونى قۋعىنداۋدى توقتاتىپ, بوساتۋدى تالاپ ەتكەن.
بۇعان دەيٸن جەرگٸلٸكتٸ باسىلىمدار استانا قالاسى ەكٸمٸنٸڭ ورىنباسارى سەرگەي حوروشۋننىڭ سىرىم ەبدٸراحمانوۆتىڭ ٷستٸنەن پوليتسيياعا ارىز تٷسٸرگەنٸن حابارلاعان. شەنەۋنٸك بلوگەردٸ ٶزٸنە قاتىستى “جالعان اقپارات تاراتتى” دەپ ايىپتاعان ەدٸ. سەيسەنبٸ كٷنٸ استانا قالالىق ەكٸمدٸگٸنە حابارلاسقانىمىزبەن جاۋاپ الا المادىق.
قوعامدىق پٸكٸر تۋعىزاتىن وقيعالاردىڭ ورتاسىندا جٷرەتٸن سىرىم ەبدٸراحمانوۆ 2017 جىلى "الاش" پارتيياسىنىڭ قۇرىلاتىنىن مەلٸمدەپ, كٶپكە تانىمال بولا باستاعان. ول كەزدە كٶپ ادام ونى "بيلٸكتٸڭ جاساندى جوباسى" دەپ سىناعان ەدٸ. ال ەبدٸراحمانوۆ "الاش" قوزعالىسى ەلدەكٸمدەر ايىپتايتىنداي "بيلٸك تاپسىرماسىمەن قۇرىلاتىن پارتييا ەمەس, حالىقتىڭ ٸشٸنەن شىعاتىن پارتييا" دەپ ايىپتاۋلاردى جوققا شىعارعان. نۇر-وتان" پارتيياسىنىڭ بۇرىنعى مٷشەسٸ 36 جاستاعى بەلسەندٸ ساياساتتا "قاجەت بولسا, بيلٸكپەن دە جۇمىس ٸستەسۋ كەرەك" دەگەن كٶزقاراس ۇستانادى. پارتييا ٶكٸلدەرٸنٸڭ ايتۋىنشا, "الاش" پارتيياسى ەزٸرگە, ەلدە رەسمي تٷردە تٸركەلمەگەن. ونىڭ شامامەن بەس مىڭ جاقتاۋشىسى بار.
