مەجٸلٸس دەپۋتاتى بەكبولات تٸلەۋحان جاستار جىلىندا ۇلتتىق كودقا ايرىقشا نازار اۋدارۋعا شاقىردى, دەپ حابارلايدى Sputnik قازاقستان تٸلشٸسٸ.
جاستار ساياساتىن جٷزەگە اسىرۋ مەسەلەلەرٸ قارالعان ٷكٸمەت ساعاتىندا دەپۋتات بەكبولات تٸلەۋحان جاستار اراسىنداعى بٸرقاتار ٶزەكتٸ پروبلەماعا توقتالدى. مەجٸلٸسمەن بٸر اگەنتتٸكتٸڭ جاستارعا قاتىستى جٷرگٸزگەن زەرتتەۋٸنٸڭ نەتيجەلەرٸ تۋرالى ايتتى.
"زەرتتەۋگە سٷيەنسەك, قازاقستانداعى جاستار جۇمىس, كەسٸپ دەگەندە, وعان ٶمٸرٸنٸڭ مەنٸ رەتٸندە ەمەس, تەك اقشا تابۋدىڭ كٶزٸ دەپ قانا قارايدى. ال نەگٸزٸ كەسٸپ ادام ٶمٸرٸنٸڭ مەنٸ بولۋى تيٸس ەمەس پە?! قازٸرگٸ جاستاردىڭ ويى - استاناعا كەلٸپ, مەملەكەتتٸك قىزمەتكە ورنالاسۋ, ياعني جاستاردىڭ ساناسىنان جاسامپازدىق دەگەن نەرسە كەتٸپ بارا جاتىر. جاستار وقۋعا ىنتالى ەمەس, كٶبٸ كەلەشەك ماماندىعىن تاڭداعان كەزدە اعايىن-تۋىسقاننىڭ كەڭەسٸنە قۇلاق اسادى, جالپىلاما ستەورەتيپتەردٸ نەگٸزگە الىپ, تاڭداي سالادى. جاستاردىڭ وقۋ پروتسەسٸنە فورمالدى قارايتىنى جاسىرىن ەمەس, ەيتەۋٸر بٸر ديپلوم السام بولدى دەپ قارايدى", - دەدٸ دەپۋتات.
وسى ورايدا تٸلەۋحان ۇرپاقتار ساباقتاستىعىن العا تارتىپ, جاستار پروبلەماسىن ەڭسەرۋدٸڭ بٸرنەشە جولىن كٶرسەتتٸ. ونىڭ بٸردەن بٸر جولى – ۇلتتىق نەگٸزگە, ۇلتتىق كودقا ورالۋ.
"ول سەنٸڭ گەنەتيكالىق جادىڭدا قالىپ قالعان دٷنيەلەر. مىسالى ٷشٸن جاستار اراسىندا ميگراتسييالىق كٶڭٸل-كٷي قىرىق پروتسەنتكە كٶتەرٸلدٸ دەيمٸز. ەگەر ونىڭ ساناسىنا جاقسىلاپ قۇيساق, "يت – تويعان جەرٸنە, ەر – تۋعان جەرٸنە" دەگەندە ادامدا نامىس ويانا ما, ويانادى. اجىراسۋدىڭ كٶبەيۋٸن ايتىپ جاتسىزدار. قازاق ايتادى "قايتىپ كەلگەن قىز جامان, قايتا شاپقان جاۋ جامان" دەپ. وسىنى ساناسىنا سٸڭٸرۋگە بولا ما, بولادى. بٸراق, ٶكٸنٸشكە قاراي, استانانىڭ وقۋشىلارىنا "پرەزەرۆاتيۆ" تاراتىپ وتىرعاندا, مىڭق ەتپەگەن بٸلٸم جەنە عىلىم مينيسترلٸگٸنٸڭ يماندى ۇرپاق ٶسٸرۋگە بەت بۇراتىنىنا كٷمەنٸم بار. دەسەك تە, بۇل مەسەلەنٸ دە قولعا الۋ كەرەك, بۇل دا بٸزدٸڭ ۇلتتىق كودىمىزدا بار نەرسە", - دەدٸ تٸلەۋحان.
سونىمەن قاتار, دەپۋتات جاستاردىڭ كەسٸپكە, ەڭبەككە سالعىرتتىعىنا دا توقتالدى.
"قازاقتا "تاۋىپ العان التىننان, تەرلەپ تاپقان تيىنىم بەرەكەلٸ" دەگەن سٶز بار. وسىنى نە ارقىلى سٸڭٸرەمٸز? "رۋحاني جاڭعىرۋ", "ۇلى دالانىڭ جەتٸ قىرى" ارقىلى سٸڭەتٸن نەرسە. بيىل جاستار جىلىندا دەستٷرگە, ۇلتتىق نەگٸزگە, ۇلتتىق كودقا بۇرىلۋ دەگەن مەسەلەگە تەرەڭٸرەك كٶڭٸل بٶلۋدٸ ۇسىنار ەدٸم", - دەپ قورىتتى سٶزٸن مەجٸلٸسمەن.
