فوتو: pixabay.com
مەدەنيەت جەنە اقپارات مينيسترٸ ايدا بالاەۆا TikTok-تا بەتٸن تۇمشالاپ الىپ كونتەنت تاراتاتىنداردىڭ ەرەكەتٸ تۋرالى پٸكٸر بٸلدٸردٸ, دەپ حابارلايدى Kazinform.
مەجٸلٸستٸڭ جالپى وتىرىسىنان كەيٸن باق ٶكٸلدەرٸ مينيسترگە ەلەۋمەتتٸك جەلٸ اككاۋنتتارىن شەكتەۋ بەلەڭ الىپ جاتقانىنا الاڭداۋشىلار كٶپ ەكەنٸن ايتىپ, سۇراق قويدى.
«بٸزدٸڭ مينيسترلٸك قۇزىرەتتٸ ورگان رەتٸندە ەلەۋمەتتٸك جەلٸلەرگە مونيتورينگ جٷرگٸزەدٸ. كونتەنتتەرٸندە زاڭ بۇزۋ فاكتٸلەرٸ انىقتالسا, ونى قۇقىق قورعاۋ ورگاندارىنا جٸبەرەمٸز. قۇقىق قورعاۋ ورگاندارى ول كونتەنتتٸڭ زاڭعا قانشالىقتى سەيكەس ەكەنٸن انىقتاپ, زاڭ بۇزعانى دەلەلدەنسە, ٸس قوزعاۋعا قۇقىقتارى بار. جىل باسىنان بەرٸ ەر باعىتتاعى 800-دەن استام زاڭ بۇزۋ فاكتٸسٸ تٸركەلدٸ. ونىڭ ٸشٸندە پورنوگرافييالىق مازمۇنداعى, ەسٸرتكٸ تاراتۋمەن بايلانىستى, ٸرٸتكٸ سالۋ, جالعان اقپارات سيياقتى فاكتٸلەر بار», - دەدٸ مينيستر.
سونداي-اق ايدا بالاەۆا ەلەۋمەتتٸك جەلٸدە بەتٸن تۇمشالاپ الىپ كونتەنت تاراتاتىن قىز-كەلٸنشەكتەردٸڭ مەسەلەسٸ جەكە پىسىقتالاتىنىن ايتتى.
«تۇمشالانۋ مەسەلەسٸ ەلٸ زاڭمەن رەتتەلمەگەن. ٶيتكەنٸ ول مەسەلەنٸ بٸز ەندٸ-ەندٸ قارايمىز. دەپۋتاتتار وسى مەسەلەنٸ بٸزگە ساۋال رەتٸندە جولدادى. بٸز ونى جان-جاقتى زەردەلەپ جاتىرمىز. بۇل بٸرٸنشٸدەن, ۇلتتىق قاۋٸپسٸزدٸك مەسەلەسٸ ەكەنٸن بۇعان دەيٸن دە ايتتىم», - دەدٸ مينيستر.
