ومان مەملەكەتٸنٸڭ «Salam Air» ەۋە كومپانيياسى ەل استاناسى ماسكاتتان الماتىعا جەنە نۇر-سۇلتانعا رەيستەر اشادى, دەپ حابارلايدى "ۇلت اقپارات" قر يندۋسترييا جەنە ينفراقۇرىلىمدىق دامۋ مينيسترلٸگٸ ازاماتتىق اۆياتسييا كوميتەتٸنە سٸلتەمە جاساپ.
قر پرەزيدەنتٸنٸڭ حالىقارالىق رەيستەر سانىن كٶبەيتۋ جٶنٸندەگٸ تاپسىرماسىنا سەيكەس, قازاقستان رەسپۋبليكاسى مەن ومان سۇلتاناتىنىڭ اۆياتسييالىق بيلٸگٸ اراسىندا ەكٸجاقتى كەلٸسسٶز جٷرگٸزٸلگەن. قازاقستاندىق دەلەگاتسيياعا قر ييدم ازاماتتىق اۆياتسييا كوميتەتٸنٸڭ تٶراعاسى تالعات لاستاەۆ, ال ومان دەلەگاتسيياسىنا ومان سۇلتاناتىنىڭ كٶلٸك جەنە كوممۋنيكاتسييالار مينيسترلٸگٸ ەۋە كٶلٸگٸ دەپارتامەنتٸنٸڭ ديرەكتورى ساليم ەل-حۋسسەيني باسشىلىق ەتكەن.
«كەلٸسسٶزدەر نەتيجەلەرٸ بويىنشا ەۋە رەيستەرٸ ٷشٸن قۇقىقتىق بازا قۇرىلدى. وعان سەيكەس, ەكٸ ەلدٸڭ تاعايىندالعان تاسىمالداۋشىلارىنا اپتاسىنا 14 جولاۋشى جەنە 14 جوسپارلانعان جٷك رەيسٸن ورىنداۋ قۇقىعى بەرٸلدٸ. وسى نەگٸزدە, كەلەسٸ جىلدىڭ ناۋرىز ايىندا وماندىق «Salam Air» ەۋە اكومپانيياسى «الماتى – ماسكات» (ومان استاناسى) باعىتى بويىنشا اپتاسىنا 7 رەت رەيس جاسايتىن ۇشاق ۇشىرادى. سونداي-اق, كەلەسٸ جىلدىڭ كٷزٸنەن باستاپ جوعارىدا اتالعان ومان ەۋە اكومپانيياسى «نۇر-سۇلتان-ماسكات» باعىتى بويىنشا ەۋە قاتىناسىن جولعا قويماق», - دەلٸنگەن حابارلامادا.
بۇل جۇمىس ومان سۇلتاناتى ازاماتتارىنىڭ قازاقستان رەسپۋبليكاسىندا 30 كٷن ۆيزاسىز بولۋ تەرتٸبٸنٸڭ ەنگٸزٸلۋٸمەن (2019 جىلدىڭ 30 قىركٷيەگٸنەن باستاپ كٷشٸنە ەنگەن) بٸر مەزگٸلدە جٷرگٸزٸلۋدە.
اتاپ ٶتٸلگەندەي, ەكٸ ەل اراسىندا تٸكەلەي رەيستەردٸڭ اشىلۋى, سونداي-اق قازاقستاندا ەنگٸزٸلگەن ۆيزاسىز رەجٸم جەنە قولايلى كليماتتىق جاعدايلار ومان سۇلتاناتى ازاماتتارىنا تۋريست رەتٸندە قازاقستانعا كەلۋٸنە جول اشادى.
سونىمەن بٸرگە, ومان تاراپى ٶز كەزەگٸندە قازاقستان رەسپۋبليكاسىنىڭ ازاماتتارى ٷشٸن ۆيزاسىز رەجٸمدٸ ەنگٸزۋدٸ قاراستىرىپ جاتىر.
