ۇلتتىق تەستٸلەۋ ورتالىعى بٷگٸن الماتىداعى جەكەمەنشٸك وقۋ ورىندارىنىڭ بٸرٸندە تەستٸلەۋ كەزٸندە بولعان قايعىلى وقيعادان كەيٸن تٷسٸنٸك بەردٸ, دەپ حابارلايدى قازاقپارات.
«بٷگٸن, 14 سەۋٸردە الماتىداعى جەكەمەنشٸك مەكتەپتەردٸڭ بٸرٸندە 1973 جىلى تۋعان مۇعالٸم تەستٸلەۋ كەزٸندە قايتىس بولدى. ەر ادام گيپەرتەنزييالىق (گيپەرتونييالىق) اۋرۋىنا بايلانىستى ەمحانادا ەسەپتە تۇرعان. قازٸرگٸ ۋاقىتتا سوت-مەديتسينالىق ساراپتاما جٷرگٸزٸلٸپ جاتىر» دەلٸنگەن حابارلامادا.
مۇعالٸمدەر ۇلتتىق بٸلٸكتٸلٸك تەستٸن 2018 جىلدان بەرٸ تاپسىرىپ كەلەدٸ. ورتالىق اقپاراتى بويىنشا, بۇل - وسى 4 جىلداعى العاشقى قايعىلى جاعداي. تەستٸلەۋ ورتالىقتارىندا العاشقى كٶمەك كٶرسەتۋ ٷشٸن دەرٸگەرلەردٸڭ جۇمىسىن باقىلاۋ كٷشەيتٸلمەك.
«بەكٸتٸلگەن ساناتىنا بايلانىستى 230 مىڭنان استام ادام جىل سايىن جالاقىسىنىڭ 30-50% مٶلشەرٸندە قوسىمشا تٶلەمدەر الادى. وسى رەتتە اتتەستاتسييانىڭ ٶزٸ ەرٸكتٸ سيپاتقا يە ەكەنٸن اتاپ ٶتەمٸز. پەداگوگتەر جالاقىلارىنا تاعى قوسىمشا اقى الۋ ٷشٸن تەستٸلەۋگە جازىلىپ, وسى پروتسەدۋرادان ٶتەدٸ. ەگەر تەست تاپسىرۋشى ٶزٸن ناشار سەزٸنسە, تەستٸلەۋ كٷنٸن ٶزگەرتۋ مٷمكٸندٸگٸ بەرٸلەدٸ», - دەپ حابارلادى ۇلتتىق تەستٸلەۋ ورتالىعى.
سونداي-اق, الماتى قالالىق بٸلٸم باسقارماسى مارقۇمنىڭ وتباسىنا كٶڭٸل ايتقانى, بارلىق قاجەتتٸ كٶمەك كٶرسەتٸلەتٸنٸ مەلٸمدەنگەن.
