27 قازاندا اقش ۇلتتىق قاۋٸپسٸزدٸك كەڭەسشٸسٸ روبەرت و’برايەن "يسلام مەملەكەتٸ" تەررور توبى جەتەكشٸسٸنٸڭ دەنەسٸ 2011 جىلى ٶلتٸرٸلگەن ۋساما بەن لادەن سەكٸلدٸ تەڭٸزگە لاقتىرىلاتىنىن مەلٸمدەگەن. ولار كٶمٸلگەن جەردٸ ەلدەكٸمدەر "قاستەرلٸ ورىنعا" اينالدىرماس ٷشٸن وسىلاي جاساۋدى ۇيعارعان.
دٷيسەنبٸدە اقش پرەزيدەنتٸ دونالد ترامپ ەل-باعداديدٸڭ كٶزٸن جويۋعا ارنالعان ارنايى وپەراتسييا ۆيدەولارىنان ٷزٸندٸ جارييالاۋعا ۋەدە بەردٸ. ترامپ Twitter'ٸندە وسى وپەراتسيياعا قاتىسقان يتتٸڭ سۋرەتٸن كٶرسەتكەن.
شتاب باسشىلارى بٸرٸككەن كوميتەتٸنٸڭ تٶراعاسى مارك ميللي بريفينگتە وپەراتسييانىڭ ۆيدەولارى مەن فوتوسۋرەتتەرٸنەن "قۇپييا" بەلگٸسٸن الۋ پروتسەسٸ جٷرٸپ جاتقانىن ايتقان.
دٷيسەنبٸ, 28 قازاندا ەل-باعداديدٸڭ كٶزٸن جويۋعا ارنالعان وپەراتسييانىڭ بٸرنەشە دەتالدەرٸ بەلگٸلٸ بولعان ەدٸ. "سيرييا دەموكراتييالىق كٷشتەرٸنەن" اقپارات تاراتۋشى ادامنىڭ ايتۋىنشا, ەل-باعداديدٸڭ كيٸمٸ مەن قانى ارقىلى ونىڭ جەكە تۇلعاسى راستالعان, - دەپ حابارلايدى CNN.
ميلليدٸڭ سٶزٸنشە, ارناۋلى وپەراتسييا بارىسىندا اقش ارنايى قىزمەتٸ ەكٸ ادامدى قولعا تٷسٸرگەن.
ەبۋ بەكٸر ەل-باعدادي 1971 جىلى يراكتىڭ ساماررا قالاسىندا دٷنيەگە كەلگەن. دٸني بٸلٸم العان. 2004 جىلى "اقش قارۋلى كٷشتەرٸنە قاستاندىق جاساماق بولدى" دەگەن كٷدٸكپەن امەريكا ەسكەرٸ قاماۋعا العان. بوستاندىققا شىققان سوڭ جيھادشىلاردىڭ استىرتىن توبىن قۇرىپ, باسشىسىنا اينالعان. 2014 جىلى ٶزٸن بٷكٸل مۇسىلمانداردىڭ جەتەكشٸسٸ – حاليف دەپ جارييالادى. ونىڭ باسشىلىعىمەن "يسلام مەملەكەتٸ" تەررور توبى يراك پەن سيرييانىڭ ەلەۋلٸ اۋماعىن باسىپ الىپ, تەراكتٸلەرٸمەن, قاتىگەز ەرەكەتتەرٸمەن اتى شىقتى.
