27 qazanda AQSh ulttyq qaýipsizdik keńesshisi Robert O’Braien "Islam memleketi" terror toby jetekshisiniń denesi 2011 jyly óltirilgen Ýsama ben Laden sekildi teńizge laqtyrylatynyn málimdegen. Olar kómilgen jerdi áldekimder "qasterli orynǵa" ainaldyrmas úshin osylai jasaýdy uiǵarǵan.
Dúisenbide AQSh Prezidenti Donald Tramp ál-Baǵdadidiń kózin joiýǵa arnalǵan arnaiy operatsiia videolarynan úzindi jariialaýǵa ýáde berdi. Tramp Twitter'inde osy operatsiiaǵa qatysqan ittiń sýretin kórsetken.
Shtab basshylary birikken komitetiniń tóraǵasy Mark Milli brifingte operatsiianyń videolary men fotosýretterinen "qupiia" belgisin alý protsesi júrip jatqanyn aitqan.
Dúisenbi, 28 qazanda ál-Baǵdadidiń kózin joiýǵa arnalǵan operatsiianyń birneshe detalderi belgili bolǵan edi. "Siriia demokratiialyq kúshterinen" aqparat taratýshy adamnyń aitýynsha, ál-Baǵdadidiń kiimi men qany arqyly onyń jeke tulǵasy rastalǵan, - dep habarlaidy CNN.
Millidiń sózinshe, arnaýly operatsiia barysynda AQSh arnaiy qyzmeti eki adamdy qolǵa túsirgen.
Ábý Bákir ál-Baǵdadi 1971 jyly Iraktyń Samarra qalasynda dúniege kelgen. Dini bilim alǵan. 2004 jyly "AQSh qarýly kúshterine qastandyq jasamaq boldy" degen kúdikpen Amerika áskeri qamaýǵa alǵan. Bostandyqqa shyqqan soń jihadshylardyń astyrtyn tobyn quryp, basshysyna ainalǵan. 2014 jyly ózin búkil musylmandardyń jetekshisi – halif dep jariialady. Onyń basshylyǵymen "Islam memleketi" terror toby Irak pen Siriianyń eleýli aýmaǵyn basyp alyp, teraktilerimen, qatygez áreketterimen aty shyqty.
