ٶتكەن جۇمادا مىسىردىڭ سيناي تٷبەگٸندە ورنالاسقان مەشٸتكە جاسالعان جان تٷرشٸگەرلٸك شابۋىلدى الدىن الا تەرگەپ-تەكسەرۋ وعان دايش لاڭكەستٸك توبىنىڭ قاتىسى بارىن راستايدى. بۇل جايلى مىسىر كٷشتٸك قۇرىلىمدارىنداعى دەرەككٶزدەرگە سٸلتەمە جاساپ تاسس حابارلايدى.
«الدىن الا تەرگەپ-تەكسەرۋ شابۋىلدىڭ دايش لاڭكەستەرٸ تاراپىنان بولعانىن راستايدى», - دەلٸنگەن حابارلامادا.
جۇما كٷنٸ سولتٷستٸك سيناي پروۆينتسيياسىنىڭ استاناسى ەل-اريش قالاسىنا (گازا سەكتورىنان 30 كم جەردە ورنالاسقان) قاراستى بير-ەل-ەبد ەلدٸ مەكەنٸندەگٸ ەر-راۋدا مەشٸتٸندە جۇما ناماز كەزٸندە جان تٷرشٸگەرلٸك تەراكت بولدى. 30-عا جۋىق لاڭكەس جارىلعىش زاتتى قۇلشىلىق ەتٸپ جاتقان ادامداردىڭ ورتاسىنا لاقتىرىپ, جارىپ جٸبەرگەن. ارتىنشا مەشٸتتەن قاشىپ شىقپاق بولعاندارعا قاراي وق جاۋدىرعان. تەراكت سالدارىنان 305-تەن استام ادام, سونىڭ ٸشٸندە 27 بالا قازا تاۋىپ, 128 ادام جارالاندى.
تەراكتٸنٸ رەسمي تٷردە ەشكٸم موينىنا الماعانمەن, مىسىر تاراپى شابۋىلدى دايش-كە ادال بولۋعا انت-سۋ ٸشكەن «ەنسار بەيت ەل-ماقديس» («يەرۋساليم جاقتاستارى») لاڭكەستٸك توبى ۇيىمداستىرعانىنا كٷمەن كەلتٸرمەيدٸ. اتالعان لاڭكەستٸك توپ قازٸرگٸ كەزدە ٶز اتىن «ۆيلايەت سيناي» («سيناي پروۆينتسيياسى») دەپ ٶزگەرتٸپ العان. مىسىردا سوڭعى جىلدارى ۇيىمداستىرىلعان كٶپتەگەن لاڭكەستٸك شابۋىلدارعا دەل وسى توپتىڭ قاتىسى بار.
