فوتوكوللاج: © exk.kz
شىمكەنتتە تەرگەۋ كەزٸندە پوليتسييا عيماراتىندا ازاپپەن ٶلگەن قوستانايلىق نۇربولات جۇماباەۆتىڭ ٶلٸمٸ بويىنشا قىلمىستىق ٸسكە نٷكتە قويىلدى. ٷكٸم 30 ماۋسىم قالالىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا وقىلدى, دەپ حابارلايدى Otyrar.kz پورتالى.
ٸس ماتەريالدارىنا سەيكەس ايىپتالۋشىلارعا قىلمىستىق كودەكستٸڭ 362-بابى (بيلiكتi نەمەسە لاۋازىمدىق ٶكiلەتتiكتەردٸ اسىرا پايدالانۋ) جەنە 146-بابى (ازاپتاۋ) بويىنشا ايىپ تاعىلعان. ولاردىڭ ەكەۋٸ نۇربولات جۇماباەۆتىڭ ٶلٸمٸ كەزٸندە شىمكەنت قالالىق پوليتسييا دەپارتامەنتٸ كريمينالدىق پوليتسييا باسقارماسى باسشىسىنىڭ ورىنباسارى قىزمەتٸن, ٷشٸنشٸسٸ قاراتاۋ اۋداندىق پوليتسييا باسقارماسى كريمينالدىق پوليتسييا بٶلٸمٸنٸڭ باسشىسى لاۋازىمىن اتقارعان. ال سوڭعىسى جەدەل ۋەكٸل بولىپ جۇمىس ٸستەگەن. بارلىعى دا تەرگەۋ كەزٸندە كٶز جۇمعان جٸگٸتتٸڭ ٶلٸمٸنەن كەيٸن جۇمىستان بوساتىلعان ەدٸ.
سوت ٷكٸمٸمەن تٶرتەۋٸ دە كٸنەلٸ دەپ تانىلدى.
جەبٸرلەنۋشٸ تاراپتىڭ ادۆوكاتى تالعات ەسٸموۆتٸڭ جازباسىنداعى مەلٸمەتكە سٷيەنسەك, شىمكەنت قالالىق پد كريمينالدىق پوليتسييا باسقارماسى باسشىسىنىڭ ورىنباسارى قىزمەتٸن اتقارعان د.ايمەشەۆ 7 جىل 6 ايعا باس بوستاندىعىنان ايىرىلدى. باسقارمانىڭ تاعى بٸر ورىنباسارى لاۋازىمىن اتقارعان ۋ.جەنٸبەكوۆكە 7 جىلعا, قاراتاۋ اۋداندىق پوليتسييا باسقارماسى كريمينالدىق پوليتسييا بٶلٸمٸنٸڭ باسشىسى بولعان د.يساەۆقا 3 جىل 6 ايعا, سوڭعى ايىپتالۋشى ە.ٶتكٸروۆكە 2 جىلعا باس بوستاندىعىنان ايىرۋ جازاسى تاعايىندالدى. بۇدان ٶزگە تٶرت ايىپتالۋشىنىڭ 3 جىلعا دەيٸن قۇقىق قورعاۋ ورگاندارىنىڭ باسشىلىق قىزمەتٸندە جۇمىس ٸستەۋ قۇقىعى شەكتەلدٸ. سونداي-اق ولاردىڭ ەكەۋٸ پوليتسييا پولكوۆنيگٸ, ەكەۋٸ پوليتسييا پودپولكوۆنيگٸ شەنٸنەن ايىرىلدى.
ايتا كەتەيٸك, ٷكٸم زاڭدى كٷشٸنە ەنگەن جوق.
ەسكە سالايىق, نۇربولات جۇماباەۆ 2021 جىلدىڭ 8 جەلتوقسانىندا شىمكەنت قالالىق پوليتسييا دەپارتامەنتٸ عيماراتىنا «كٶلٸك ۇرلىعى» بويىنشا كٷدٸكتٸ رەتٸندە جەتكٸزٸلگەن. ونىڭ قاسىندا دوسى سەرگەي پەتروۆ تا بولعان. ول كەيٸنٸرەك تٸلشٸلەرگە بەرگەن سۇحباتىندا "پوليتسەيلەر ازاپتاپ, كٷش قولدانعانىن" ايتتى. 31 جاستاعى نۇربولاتتىڭ ەكەسٸ ەرعارا جۇماباەۆ تا ۇلىن "پوليتسەيلەر ۇرىپ ٶلتٸردٸ" دەگەن بولاتىن.
مارقۇمنىڭ تۋىستارىنىڭ ايتۋىنشا, جاس جٸگٸت قوستانايدان شىمكەنتكە سٷيٸكتٸسٸن الىپ كەتۋ ٷشٸن كەلگەن.
