© Photo: Facebook / قازاقستان تەمٸر جولى
مەجٸلٸس دەپۋتاتى ەلنۇر بەيسەنباەۆ "قازاقستان تەمٸر جولى" ۇلتتىق كومپانيياسىنىڭ جۇمىسىن سىنعا الدى, دەپ حابارلايدى "ۇلت اقپارات".
ونىڭ ايتۋىنشا, بٷگٸندە تەمٸرجول جولاۋشىلار تاسىمالىنىڭ ساپاسى سىن كٶتەرمەيدٸ. سەبەبٸ ۆاگوندار قۇرامىنىڭ كٶپ بٶلٸگٸ – كەڭەس زامانىنىڭ مۇراسى. جىل سايىن ۆاگوندار پاركٸن جاڭارتۋ مەسەلەسٸ كٶتەرٸلگەنٸمەن, جوسپار ورىندالمايدى.
"قازٸرگٸ ۋاقىتتا تەمٸرجول قۇرامىنىڭ كەمٸندە 60%-ى توزعان, پايدالانۋعا جارامايدى. ال مينيسترلٸك ۆاگوندار پاركٸن تٷبەگەيلٸ جاڭارتۋدى 2030 جىلعا جوسپارلاپ وتىر. وسى ورايدا, ەسكەرە كەتەتٸن جايت "قازاقستان تەمٸر جولى" ۇلتتىق كومپانيياسى 1997 جىلى قۇرىلدى. ياعني, 26 جىل كٷتكەنٸمٸز ازداي, ەندٸ تاعى دا 7 جىل كٷتۋٸمٸز كەرەك. كٷتكەن ٷمٸتٸمٸز اقتالاتىنىنا, ۆاگوندار پاركٸن جاڭارتۋ جۇمىسى تيٸمدٸ بولاتىنىنا سەنٸمٸمٸز از. 2030 جىلى قالعان ۆاگوندار ەسكٸرٸپ, تەمٸرجول قۇرامى پاركٸنٸڭ توزۋى 80 پروتسەنتتەن اسىپ كەتپەيتٸنٸنە كٸم كەپٸل?! ", - دەيدٸ بەيسەنباەۆ پرەمەر-مينيسترگە جولداعان دەپۋتاتتىق ساۋالىندا.
دەپۋتاتتىڭ ايتۋىنشا, جاز ايلارىندا پويىزعا بيلەت تابۋ ٶتە قيىن. ونىڭ ٷستٸنە تەمٸرجول بيلەتتەرٸنٸڭ قۇنىن سۋبسيدييالاۋعا جىل سايىن قوماقتى قاراجات بٶلٸنسە دە, باعا شارىقتاپ تۇرادى.
"كونديتسيونەرٸ ٸستەمەيتٸن, تەرەزەلەرٸ اشىلمايتىن, قابىرعاسىندا تاراقاندار جٷرەتٸن, قازٸرگٸ ۋاقىتتا توزىعى جەتكەن ۆاگوندارعا جاز مەزگٸلٸندە بيلەت ساتىپ الۋ ارمان بولدى. ال سەتٸ تٷسٸپ بيلەت تاپقان باقىتتى جانداردى ۆاگون ٸشٸندە ناعىز ماسقارا كٷتٸپ تۇرادى. بيلەت تاپشىلىعىمەن قاتار, بيلەتتٸڭ قىمباتشىلىعىن كٶرٸپ وتىرمىز. ولار ەرتٷرلٸ موبيلدٸ قوسىمشالاردا ساتىپ الۋ كەزٸندە ەرەكشەلەنەدٸ", - دەپ اشىندى مەجٸلٸسمەن.
بەيسەنباەۆ قتج-نىڭ قۇرىلعانىنا 26 جىل بولسا دا, بۇل سالاداعى جۇمىس ەلٸ كٷنگە دەيٸن رەتتەلمەگەنٸن ايتتى.
"سول سەبەپتٸ دەپۋتاتتىق ساۋالدا كٶتەرٸلگەن مەسەلەلەردٸ جان-جاقتى زەردەلەپ, تەمٸرجول تاسىمالى مەسەلەسٸن تٷبەگەيلٸ شەشۋدٸ سۇرايمىز. بۇل - جاي عانا بٸر دەپۋتاتتىڭ ساۋالى ەمەس, بٸر ٶڭٸردەن ەكٸنشٸ ٶڭٸرگە جاز بويى جەتە الماعان مىڭداعان ازاماتتىڭ اماناتى. جىلىنا 24 ميللياردتان استام تٸكەلەي سۋبسيدييا الاتىن ۇلتتىق كومپانييانىڭ جۇمىسىن رەتكە كەلتٸرەتٸن ۋاقىت جەتتٸ", - دەپ مەلٸمدەدٸ دەپۋتات.
