قازاقستاندىق يۋلييا پۋتينتسەۆا US Open تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
ەلەمنٸڭ 35-راكەتكاسى يۋ.پۋتينتسەۆا جارىسقا ارنايى شاقىرتىلعان, رەيتينگٸدە 593-ورىندا تۇرعان امەريكالىق روبين مونتگومەريمەن كەزدەستٸ.
بٸرٸنشٸ سەتتە قازاقستاندىق تەننيسشٸنٸڭ باسىمدىلىعى ايقىن كٶرٸندٸ – 6:1.
ەسەسٸنە ەكٸنشٸ سەتتە ەسەپ 1:1 بولعان سەتتە امەريكالىق سپورتشى برەيك جاساپ, العا شىقتى. دەگەنمەن تارازى باسىن قايتا تەڭەستٸرە العان يۋلييا بۇدان كەيٸن قارسىلاسىنا ەش مٷمكٸندٸك قالدىرعان جوق – 6:3.
بەسەكە بٸر ساعاتتان سەل استام ۋاقىتقا سوزىلدى.
يۋ.پۋتينتسەۆا ەكٸنشٸ اينالىمدا رەيتينگٸدە 351-ورىندا تۇرعان, دوداعا ارنايى شاقىرتۋمەن قوسىلعان بەلارۋس ٶكٸلٸ, 21 جاستاعى ۆەرا لاپكومەن كورتقا شىعادى. ول العاشقى اينالىمدا ەلەمنٸڭ 123-راكەتكاسى, شۆەيتسارييالىق ۆيكتورييا گولۋبيچتٸ 1:6, 7:6 (7:2), 6:2 ەسەبٸمەن تٸزە بٷكتٸردٸ.
قازاقستاندىقتاردان جەكەلەي سىندا كورتقا شىقپاعان رەيتينگٸدە 69-ورىندا تۇرعان زارينا ديياس قانا قالدى. ول العاشقى كەزدەسۋٸن تاعى بٸر امەريكالىق, ەلەمنٸڭ 61-راكەتكاسى بەرناردا پەرامەن ٶتكٸزەدٸ.
