Qazaqstandyq Iýliia Pýtintseva US Open týrniriniń ekinshi ainalymyna shyqty, dep habarlaidy "Ult aqparat".
Álemniń 35-raketkasy Iu.Pýtintseva jarysqa arnaiy shaqyrtylǵan, reitingide 593-orynda turǵan amerikalyq Robin Montgomerimen kezdesti.
Birinshi sette qazaqstandyq tennisshiniń basymdylyǵy aiqyn kórindi – 6:1.
Esesine ekinshi sette esep 1:1 bolǵan sátte amerikalyq sportshy breik jasap, alǵa shyqty. Degenmen tarazy basyn qaita teńestire alǵan Iýliia budan keiin qarsylasyna esh múmkindik qaldyrǵan joq – 6:3.
Báseke bir saǵattan sál astam ýaqytqa sozyldy.
Iu.Pýtintseva ekinshi ainalymda reitingide 351-orynda turǵan, dodaǵa arnaiy shaqyrtýmen qosylǵan Belarýs ókili, 21 jastaǵy Vera Lapkomen kortqa shyǵady. Ol alǵashqy ainalymda álemniń 123-raketkasy, shveitsariialyq Viktoriia Golýbichti 1:6, 7:6 (7:2), 6:2 esebimen tize búktirdi.
Qazaqstandyqtardan jekelei synda kortqa shyqpaǵan reitingide 69-orynda turǵan Zarina Diias qana qaldy. Ol alǵashqy kezdesýin taǵy bir amerikalyq, álemniń 61-raketkasy Bernarda Peramen ótkizedi.
