قازاقستاندىق تەننيسشٸلەردٸڭ جاڭارتىلعان رەيتينگٸدەگٸ ورىندارى بەلگٸلٸ بولدى, دەپ حابارلايدى "ۇلت اقپارات".
كەسٸبي تەننيسشٸلەر قاۋىمداستىعى (ATP) مەلٸم ەتكەنٸندەي, ەرلەر اراسىندا بۇرىنعىشا سەربييالىق نوۆاك دجوكوۆيچ كٶش باستاسا, يسپانييالىق رافاەل نادال ەكٸنشٸ, اۋسترييالىق دومينيك تيم ٷشٸنشٸ ورىندا كەلەدٸ.
قازاقستاننىڭ بٸرٸنشٸ راكەتكاسى الەكساندر بۋبليك 51-دەن 54-ساتىعا سىرعىسا, ميحايل كۋكۋشكين 90-ورىندا قالدى.
ٶتكەن اپتادا پراگا 2 تۋرنيرٸنٸڭ جارتىلاي فينالىنا دەيٸن جەتكەن دميتريي پوپكو 178-دەن 165-ورىنعا كٶتەرٸلدٸ.
جۇپتىق سىن بويىنشا م.كۋكۋشكين 77-دەن 80-گە, ا.بۋبليك 100-دەن 104-كە, الەكساندر نەدوۆەسوۆ 132-دەن 134-كە تٶمەندەسە, جۋىردا يتاليياداعى تۋرنيردٸڭ جەڭٸمپازى اتانعان اندرەي گولۋبەۆ 111-دەن 103-كە جوعارىلادى.
ەيەلدەر تەننيس قاۋىمداستىعى (WTA) جارييالاعان رەيتينگٸدە قازاقستاننىڭ بٸرٸنشٸ راكەتكاسى ەلەنا رىباكينا 17-ورنىندا قالسا, يۋلييا پۋتينتسەۆا 33-تەن 35-كە, زارينا ديياس 66-دان 69-عا سىرعىدى.
اۋسترالييالىق ەشلي بارتي, رۋمىنييالىق سيمونا حالەپ جەنە چەحييالىق كارولينا پليشكوۆا بۇرىنعىشا ٷزدٸك ٷشتٸكتە.
جۇپتىق سىن بويىنشا گالينا ۆوسكوبوەۆا 62-ٸنشٸ, اننا دانيلينا 126-ورىندا بولسا, يۋ.پۋتينتسەۆا 171-دەن 172-گە تٶمەندەدٸ.
قازاقستاندىق تەننيسشٸلەر بٷگٸن باستالاتىن اقش-تىڭ اشىق چەمپيوناتىندا (جٷلدە قورى – 53,4 ملن دوللار) سەتتٸ ٶنەر كٶرسەتسە, رەيتينگٸلٸك ۇپايعا كٶبٸرەك يە بولىپ, كٶرسەتكٸشتەرٸن جاقسارتادى.
قازاقستاندىقتاردان العاشقى بولىپ كورتقا ا.بۋبليك پەن م.كۋكۋشكين شىعادى. 1 قىركٷيەككە قاراعان تٷنٸ ا.بۋبليك ۇلىبريتانييالىق كايل ەدمۋندپەن, م.كۋكۋشكين ماجارستاندىق اتيللا بالاشپەن كٷش سىناسادى.
