تەڭٸز كەنٸشٸندەگٸ جارىلىستان قايتىس بولعان ەكٸ جۇمىسشىنىڭ نەسيەسٸ جابىلادى. بۇل تۋرالى «سەنٸمدٸ قۇرىلىس» كومپانيياسىنىڭ ٶندٸرٸستٸك قاتىناستار جٶنٸندەگٸ مەنەدجەرٸ گٷلميرا باتپانوۆا مەلٸم ەتتٸ, دەپ حابارلايدى قازاقپارات.
«ەكٸ ەرٸپتەسٸمٸز قايتىس بولعان قايعىلى جاعداي بٸزگە اۋىر تيدٸ. مارقۇمداردىڭ وتباسىنا قايعىرىپ كٶڭٸل ايتامىز. بٸزدٸڭ كومپانييادا مۇنداي وقىس وقيعا بٸرٸنشٸ رەت تٸركەلٸپ وتىر. قايتىس بولعان ەكٸ ەرٸپتەسٸمٸزدٸڭ وتباسىنا بارلىق كٶمەكتٸ كٶرسەتەمٸز. قازٸر «تەڭٸزشەۆرويل» جشس مەن وبلىستىق مەملەكەتتٸك ەڭبەك ينسپەكتسيياسى باسقارماسىنىڭ قىزمەتكەرلەرٸ كٸرگەن بٸرلەسكەن كوميسسييا قۇرىلدى. دەل قازٸر جارىلىسقا نە سەبەپ بولعانىن ايتا المايمىز. تەكسەرۋ كوميسسيياسىنا قاجەتتٸ قۇجاتتاردىڭ بەرٸن بەردٸك», - دەپ حابارلادى گٷلميرا باتپانوۆا.
ونىڭ ايتۋىنشا, جارىلىستان قايتىس بولعان ەكٸ جۇمىسشىنىڭ دا جاسى 37-دە بولعان. «سەنٸمدٸ قۇرىلىس» جشس ولاردىڭ وتباسىنا ماتەريالدىق كٶمەك كٶرسەتەدٸ.
«كومپانييا مارقۇمداردى سوڭعى ساپارعا شىعارىپ سالۋعا جۇمسالاتىن بارلىق ماتەريالدىق شىعىندى ٶز موينىنا الدى. سونىمەن قاتار, ولاردىڭ بارلىق قارىزدارى مەن نەسيەلەرٸن جابۋ, بالالارىنىڭ وقۋ اقىسىن تٶلەۋ تۋرالى شەشٸم قابىلداندى. بٷگٸن قاجەتتٸ ٸرٸ قارا مال ساتىپ الۋعا 500 مىڭ تەڭگەدەن قارجى اپارىپ بەردٸك. الداعى ۋاقىتتا بۇل وتباسىلارعا كٶمەكتەسۋدٸ مٸندەتٸمٸزگە الامىز», - دەدٸ گٷلميرا باتپانوۆا.
قازٸر «سەنٸمدٸ قۇرىلىس» جشس-نٸڭ ٶندٸرٸستٸك نىسانىنداعى جۇمىس ٸشٸنارا توقتاتىلعان. جۇمىسشىلار ٷيٸنە جٸبەرٸلگەن. قايعىلى وقيعا ۆاحتالىق اۋىسىمنىڭ اياقتالۋىنا ەكٸ كٷن قالعاندا بولعان.
