قازاقستاننىڭ دەپوزيتتەرگە كەپٸلدٸك بەرۋ قورى اگەنت بانك رەتٸندە «ەۋرازييالىق بانك» اق تاڭدادى. قوردىڭ قاراجاتى ەسەبٸنەن كەپٸلدٸك بەرٸلگەن ٶتەمدٸ «Tengri Bank» اق سالىمشىلارىنا وسى بانك تٶلەيتٸن بولادى, دەپ حابارلادى "ۇلت اقپارات".
«Tengri Bank» اق دەپوزيتتەرٸندە, اعىمداعى شوتتارىندا جەنە كارتوچكالارىندا قاراجاتى بار جەكە تۇلعالار مەن كەسٸپكەرلەر ٶتەم الۋعا ٶتٸنٸش بەرە الادى.
كەپٸلدٸك بەرٸلگەن ٶتەم تٶلەۋگە ٶتٸنٸشتەر قابىلداۋ 2020 جىلدىڭ 30 قىركٷيەگٸنەن باستالادى. «ەۋرازييالىق بانك» اق بٶلٸمشەلەرٸ ەلدەگٸ ەپيدەميولوگييالىق جاعدايدى ەسكەرە وتىرىپ, كەزەك كٷتۋدٸ ازايتۋ ماقساتىندا «Tengri Bank» اق سالىمشىلارىنا تاياۋداعى دەمالىس كٷندەرٸ – 3 -4 قازاندا قوسىمشا قىزمەت كٶرسەتەتٸن بولادى. قدكبق سالىمشىلارعا اگەنت بانكتٸڭ بٶلٸمشەلەرٸنە بارماي تۇرىپ, ونىڭ سايتى ارقىلى بٶلٸمشەلەردٸڭ جۇمىس كەستەسٸن قاراۋى كەرەك.
اگەنت بانك سونداي-اق ٶتٸنٸشتەردٸ قاشىقتان بەرۋ جەنە ٶتەم سومالارىن ونلاين تەكسەرۋ بويىنشا وپتسييالاردى قاراستىراتىن بولادى. بۇل تۋرالى تولىق اقپاراتتى «ەۋرازييالىق بانك» اق سايتىنان الۋعا مٷمكٸندٸك بار.
اگەنت بانك ارقىلى كەپٸلدٸك بەرٸلگەن ٶتەم تٶلەۋ شاراسى 12 اي بويى – 2021 جىلدىڭ 30 قىركٷيەگٸنە دەيٸن جٷزەگە اسىرىلادى. قور بەلگٸلەنگەن مەرزٸمنٸڭ اياقتالۋىنا قاراي اگەنت بانكپەن اراداعى كەلٸسٸمنٸڭ قولدانىلۋ مەرزٸمٸن ۇزارتۋى مٷمكٸن. اگەنت بانك ارقىلى بەلگٸلەنگەن ٶتەم تٶلەۋ مەرزٸمٸ اياقتالعان سوڭ, «Tengri Bank» اق سالىمشىلارى تٶلەم الۋ جٶنٸندە تٸكەلەي قدكبق-عا ٶتٸنٸش بەرە الادى.
ايتا كەتسەك, قدكبق كەپٸلدٸك بەرٸلگەن ٶتەمدٸ دەپوزيتتەگٸ قالدىق سوما شەگٸندە, بانك ليتسەنزيياسىنان ايىرىلعان كٷنگە قاراي ەسەپتەلگەن سىياقىنى ەسكەرە وتىرىپ تٶلەيدٸ:
– ۇلتتىق ۆاليۋتاداعى جيناق دەپوزيتتەر بويىنشا – 15 ملن تەڭگەدەن;
– ۇلتتىق ۆاليۋتاداعى باسقا دەپوزيتتەر بويىنشا – 10 ملن تەڭگەدەن;
– جەنە شەتەل ۆاليۋتاسىنداعى دەپوزيتتەر بويىنشا – ۆاليۋتا بالاماسىندا 5 ملن تەڭگەدەن اسپايدى («Tengri Bank»اق ليتسەنزيياسىنان ايىرىلعان كٷنٸ بەلگٸلەنگەن ۆاليۋتا ايىرباستاۋ باعامى بويىنشا).
«Tengri Bank» اق سالىمشىسىنىڭ بانكتە تٷرٸ مەن ۆاليۋتاسى بويىنشا ەكٸ جەنە ودان دا كٶپ كەپٸلدەندٸرٸلگەن دەپوزيتتەرٸ بار بولسا, اگەنت بانك ولار بويىنشا 15 ملن تەڭگەدەن اسپايتىن كٶلەمدە كەپٸلدٸك بەرٸلگەن جيىنتىق ٶتەم تٶلەيدٸ. بۇل رەتتە شەتەل ۆاليۋتاسىنداعى دەپوزيتتٸڭ 5 ملن تەڭگەدەن اسپايتىن كەپٸلدەندٸرٸلگەن قالدىعى بويىنشا شەكتەۋ ەسكەرٸلەدٸ.
كەپٸلدٸك بەرٸلگەن ٶتەمدٸ الۋ ٷشٸن «Tengri Bank» اق سالىمشىلارى ەۋرازييالىق بانكتٸڭ كەز كەلگەن فيليالى نەمەسە بٶلٸمشەسٸنە بارىپ, تٶلەم الۋعا ٶتٸنٸش تولتىرۋلارى قاجەت. ٶتٸنٸش بلانكٸسٸن تٸكەلەي اگەنت بانكتەن الۋعا نەمەسە قدكبق سايتىنان ەلەكتروندى نۇسقاسىن جٷكتەپ الىپ, الدىن الا تولتىرۋعا بولادى.
اگەنت بانكتٸڭ بارلىق قالالارداعى فيليالدارى مەن بٶلٸمشەلەرٸنٸڭ مەكەنجايلارى جەنە جۇمىس تەرتٸبٸ تۋرالى اقپارات www.eubank.kz رەسمي سايتىندا جەنە بانكتٸڭ انىقتاما قىزمەتٸندە قولجەتٸمدٸ: +7 (727) 332 77 22, +7 (771) 000 7722, +7 (700) 000 7722, +7 (702) 010 7722.
سالىمشى اگەنت بانككە جەكە باسىن كۋەلاندىراتىن قۇجاتپەن بارۋى قاجەت. ەگەر سالىمشىنىڭ ورنىنا باسقا تۇلعا ٶتٸنٸش بەرەتٸن بولسا, قۇقىق بەلگٸلەۋشٸ قۇجاتتاردى دا ۇسىنۋ قاجەت (مىسالى, مۇراگەرلٸك قۇقىعى تۋرالى كۋەلٸك نەمەسە سەنٸمحات).
سالىمشىنىڭ تەگٸ, اتى نەمەسە ەكەسٸنٸڭ اتى ٶزگەرگەندٸگٸ اگەنت بانكتە نەكە قييۋ تۋرالى كۋەلٸكپەن نەمەسە ازاماتتىق حال اكتٸلەرٸن جازۋ (احاج) ورگانى بەرەتٸن تەگٸن, اتىن جەنە ەكەسٸنٸڭ اتىن ٶزگەرتۋ تۋرالى كۋەلٸكپەن راستالادى.
جەكەلەگەن جاعدايلاردا اگەنت بانك مەلٸمدەلگەن تالاپتاردىڭ نەگٸزدٸلٸگٸن راستايتىن قوسىمشا قۇجاتتار سۇراتۋعا قۇقىلى. كەپٸلدٸك بەرٸلگەن ٶتەم سالىمشى قۇجاتتارى اگەنت بانككە كەلٸپ تٷسكەن كٷننەن باستاپ 5 جۇمىس كٷنٸ ٸشٸندە تٶلەنەدٸ.
ەسكە سالايىق, 2020 جىلدىڭ 18 قىركٷيەگٸندە قازاقستان رەسپۋبليكاسىنىڭ قارجى نارىعىن رەتتەۋ جەنە دامىتۋ اگەنتتٸگٸ «Tengri Bank» اق-سىن بارلىق بانك وپەراتسييالارىن جٷرگٸزۋ ليتسەنزيياسىنان ايىرۋ تۋرالى شەشٸم قابىلداعان بولاتىن.
