قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ تەمٸرجول ستانسالارىنىڭ باسشىلارىن ۇستاۋ كەزٸندەگٸ ۆيدەونى جارييالادى, دەپ xابارلايدى قازاقپارات تٸلشٸسٸ.
سىبايلاس جەمقورلىققا قارسى ٸس-قيمىل ۇلتتىق بيۋروسى تٶراعاسىنىڭ ورىنباسارى شىڭعىس قابدوللانىڭ ايتۋىنشا, تەمٸرجول قاتىناسى سالاسىنداعى جەمقورلىق ەرەكەتتەر جٷيەلٸ تٷردە قايتالانادى. شەنەۋنٸكتەر دە, باسقا باسشىلار دا ٶز قىزمەتتەرٸن اسىرا پايدالانىپ جاتادى.
«مەسەلەن, وسى اپتادا «قازاقستان تەمٸرجولى» اق-سىنا قاراستى قوستاناي جولدارى بٶلٸمشەسٸ فيليالىنىڭ ديرەكتورى, ونىڭ ورىنباسارى جەنە ستانتسييا باسشىسى ۇستالدى. ولار كەسٸپكەردەن جالپى سوماسى 6,1 ميلليون تەڭگە كٶلەمٸندە پارا العان. سول ٷشٸن تاۋارلاردى تاسىمالداۋعا قاجەتتٸ ۆاگونداردى كەدەرگٸسٸز بەرۋگە ۋەدە ەتكەن», - دەدٸ ش.قابدوللا استانادا ٶتكەن باسپاسٶز مەسليxاتىندا.
ونىڭ ايتۋىنشا, الماتى وبلىسىندا بۋرۋنداي ستانتسيياسىنىڭ باسشىسى دا پارا العانى ٷشٸن كٷدٸككە ٸلٸنٸپ وتىر. ول ۆاگون ۇسىنعانى ٷشٸن كەسٸپكەردەن 100 مىڭ تەڭگە تالاپ ەتكەن.
ايتا كەتكەن جٶن, سوڭعى ٷش جىلدىڭ ٸشٸندە تەمٸرجول تاسىمالى سالاسىندا 70 جەمقورلىق ەرەكەتٸ انىقتالدى. سول ٷشٸن 33 لاۋازىمدى تۇلعا قىلمىستىق جاۋاپقا تارتىلدى, ولاردىڭ ٸشٸندە 28 ادام سوتتالدى.
«تەمٸرجول قاتىناسى سالاسىنداعى جەمقورلىق ەرەكەتتەرٸ جۇمىسقا قابىلداۋدان باستاپ مەملەكەتتٸك ساتىپ الۋلار, جولاۋشىلار مەن جٷك تاسىمالىنا دەيٸن تارالىپ كەتكەن. باسشىلار دا, جولسەرٸكتەر دە جاۋاپقا تارتىلادى», - دەپ اتاپ كٶرسەتتٸ ش.قابدوللا.
