قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ ٷش ايلىق تەكسەرٸستٸڭ نەتيجەسٸن جارييالادى. وعان سەيكەس, تەمٸرجولمەن جولاۋشىلاردى تاسىمالداۋ سالاسىندا بەس بٸردەي وبلىستى قامتىعان قىلمىستىق سxەما ەشكەرەلەندٸ, دەپ xابارلايدى قازاقپارات تٸلشٸسٸ.
سىبايلاس جەمقورلىققا قارسى ٸس-قيمىل ۇلتتىق بيۋروسى تٶراعاسىنىڭ ورىنباسارى شىڭعىس قابدوللانىڭ ايتۋىنشا, اتالعان سxەما بويىنشا كٶلٸكتٸك باقىلاۋ ينسپەكتسيياسى, «قازاقستان تەمٸرجولى» اق-سى مەن جەلٸلٸك پوليتسييانىڭ لاۋازىمدى تۇلعالارى تۇراقتى تٷردە زاڭسىز اقشا الىپ وتىرعان.
ارنايى وپەراتسييا اقمولا, قاراعاندى, پاۆلودار وبلىستارى, استانا مەن شىمكەنت قالالارىندا ۇيىمداستىرىلدى.
«سونىڭ نەتيجەسٸندە 50-دەن استام پاراقور انىقتالدى. ولاردىڭ ٸشٸندە «قازاقستان تەمٸرجولى» اق-سىنىڭ 31 قىزمەتكەرٸ بار. 3 رەۆيزور, كٶلٸكتٸك باقىلاۋ قىزمەتٸنٸڭ 3 ٶكٸلٸ, جەكەمەنشٸك تاسىمالداۋشىلاردىڭ 9 جۇمىسكەرٸ, 6 ۆوكزال كەزەكشٸسٸ, 2 جەلٸلٸك پوليتسەي, 6 الىپساتار جەنە تاعىسىن تاعى. مەسەلەن, الىپساتارلاردىڭ كٶبٸسٸ - قىلمىستىق سxەماعا قاتىسقانداردىڭ تۋىستارى. ولار اقشانى جيناپ وتىرعان. ال پويىز بريگاديرلەرٸ مەن جولسەرٸكتەرٸ تەكسەرٸستەن قۇتىلۋ ٷشٸن اقشانى بەرٸپ تۇردى. زاڭسىز سىياقىنىڭ كٶلەمٸ 8-40 مىڭ تەڭگەنٸڭ اينالاسىندا بولعان», - دەدٸ ش.قابدوللا.
ارنايى وپەراتسييا كەزٸندە قولعا تٷسكەندەردٸڭ بەرٸ پارا بەرگەندەرٸن مويىندادى. ولاردىڭ سٶزٸنە قاراعاندا, پويىزدىڭ اقشاسى جينالماسا, جوعارىدان تەكسەرٸستەر جٸبەرٸلەدٸ. وندايدا ايىپپۇلدار كٶپتەپ سالىنادى. ودان دا پارا بەرٸپ قۇتىلعانى ارتىق. وسىلايشا, كٷندە بٸر پويىزدان 100 مىڭ تەڭگە جينالىپ تۇرادى. بٸر ايدىڭ ٸشٸندە اتالعان سوما 3 ميلليونعا دەيٸن بارادى. «بۇنداي «الىم-سالىقتار» كٷندە جينالادى. سونىڭ سالدارىنان xالىققا قىزمەت كٶرسەتۋ ساپاسىنىڭ ناشارلايتىنى بەلگٸلٸ», - دەپ اتاپ كٶرسەتتٸ ش.قابدوللا.
ايتا كەتەيٸك, بٷگٸن قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ تەمٸرجول ستانسالارىنىڭ باسشىلارىن ۇستاۋ كەزٸندەگٸ ۆيدەونى دا جارييالادى.
