تەمٸرتاۋدا گاز جارىلىپ, تۇرعىن ٷيدٸڭ بٸر بٶلٸگٸ وپىرىلدى. وقيعا سالدارىنان تٶرت ادام زارداپ شەكتٸ, - دەپ حابارلايدى "ۇلت اقپارات" قاراعاندى وبلىسىنىڭ تٶتەنشە جاعدايلار دەپارتامەنتٸنە سٸلتەمە جاساپ.
بٷگٸن 12:08-دە مەتاللۋرگتەر داڭعىلى 5/2 مەكەنجايىنداعى بەس قاباتتى تۇرعىن ٷيدٸڭ 3-شٸ قاباتىنداعى پەتەردە جارىلىس بولدى. وقيعا سالدارىنان تٶرت ادام زارداپ شەكتٸ, ٷش پەتەرگە زاقىم كەلگەن. قازٸر وقيعا ورنىندا ٷيٸندٸلەر تازارتىلىپ جاتىر.
"كٸرەبەرٸستٸڭ بارلىق تۇرعىنى, ياعني 53 ادام قاۋٸپسٸز جەرگە كٶشٸرٸلدٸ, ونىڭ ٸشٸندە 7-ٸ بالا. 1989 جىلى تۋعان پەتەر يەسٸ جاراقات الىپ, تەمٸرتاۋ قالالىق اۋرۋحاناسىنا جاتقىزىلدى. وقيعا ورنىندا قاراعاندى وبلىسى تج دەپارتامەنتٸنٸڭ 22 قىزمەتكەرٸ مەن 7 تەحنيكاسى جۇمىس ٸستەپ جاتىر", - دەلٸنگەن ۆەدومستۆو حابارلاماسىندا.
وقيعا ورنىندا وبلىس ەكٸمٸنٸڭ ورىنباسارى ۆاديم باسين, تەمٸرتاۋ قالاسىنىڭ ەكٸمٸ جەنە بارلىق شۇعىل قىزمەتتەر بار. جەدەل شتاب قۇرىلدى.
