Temirtaýda gaz jarylyp, turǵyn úidiń bir bóligi opyryldy. Oqiǵa saldarynan tórt adam zardap shekti, - dep habarlaidy "Ult aqparat" Qaraǵandy oblysynyń Tótenshe jaǵdailar departamentine silteme jasap.
Búgin 12:08-de Metallýrgter dańǵyly 5/2 mekenjaiyndaǵy bes qabatty turǵyn úidiń 3-shi qabatyndaǵy páterde jarylys boldy. Oqiǵa saldarynan tórt adam zardap shekti, úsh páterge zaqym kelgen. Qazir oqiǵa ornynda úiindiler tazartylyp jatyr.
"Kireberistiń barlyq turǵyny, iaǵni 53 adam qaýipsiz jerge kóshirildi, onyń ishinde 7-i bala. 1989 jyly týǵan páter iesi jaraqat alyp, Temirtaý qalalyq aýrýhanasyna jatqyzyldy. Oqiǵa ornynda Qaraǵandy oblysy TJ departamentiniń 22 qyzmetkeri men 7 tehnikasy jumys istep jatyr", - delingen vedomstvo habarlamasynda.
Oqiǵa ornynda oblys ákiminiń orynbasary Vadim Basin, Temirtaý qalasynyń ákimi jáne barlyq shuǵyl qyzmetter bar. Jedel shtab quryldy.
