پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە دەنساۋلىق ساقتاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسى اعىمداعى جىلعى 4 ناۋرىزدا بٸرٸنشٸ وقىلىمدا ماقۇلداندى.
زاڭ جوباسىن تالقىلاۋ بارىسىندا دەپۋتاتتار بٸرقاتار ۇسىنىستار مەن تولىقتىرۋلار ەنگٸزدٸ. اتاپ ايتساق:
- ەكٸمشٸلٸك قۇقىق بۇزۋشىلىق تۋرالى كودەكسكە ەكٸمشٸلٸك جاۋاپتىلىقتى كٷشەيتۋگە باعىتتالعان تٷزەتۋلەر ەنگٸزٸلدٸ;
- ۆاكتسينالاردىڭ ساپاسىن ارتتىرۋ ماقساتىندا ادام دەنساۋلىعىنا زييان كەلتٸرگەن جاعدايدا, ۆاكتسينالاردى ەكەلۋ, ساتىپ الۋ, تاسۋ, ساقتاۋ قاعيدالارىن بۇزعانى ٷشٸن 100-دەن 1000 ايلىق ەسەپتٸك كٶرسەتكٸشكە دەيٸنگٸ مٶلشەردە ەكٸمشٸلٸك ايىپپۇلدار بەلگٸلەندٸ;
- مەديتسينا قىزمەتكەرلەرٸنٸڭ مەرتەبەسٸن ارتتىرۋ ماقساتىندا مەديتسينا جەنە فارماتسەۆتيكا قىزمەتكەرلەرٸنٸڭ كەسٸپتٸك قىزمەتٸنە زاڭسىز ارالاسقانى ٷشٸن ەكٸمشٸلٸك ايىپپۇل مٶلشەرٸ جەكە تۇلعالارعا 7-دەن 50-گە دەيٸن, لاۋازىمدى ادامدارعا 20-دان 75-كە دەيٸن, زاڭدى تۇلعالارعا 75-تەن 150 ايلىق ەسەپتٸك كٶرسەتكٸشكە دەيٸن ۇلعايتىلدى.
«سونىمەن بٸرگە, كەمەلەتكە تولماعاندارعا تەمەكٸ جەنە تەمەكٸ بۇيىمدارىن ساتقانى ٷشٸن, تەمەكٸ بۇيىمىنىڭ ماركاسى بار تاۋارلاردى قاساقانا تاراتقانى, كٶرمەگە قويعانى نەمەسە ساتقانى ٷشٸن ەكٸمشٸلٸك ايىپپۇلدار ەكٸ ەسە ۇلعايتىلدى. ال تەمەكٸ جەنە تەمەكٸ بۇيىمدارىن ساتۋ جٶنٸندەگٸ زاڭناما تالاپتارىن, ولاردى بەلگٸلەنبەگەن ورىنداردا تۇتىنۋعا سالىنعان تىيىمدى بۇزعانى, زاڭسىز جارنامالاعانى ٷشٸن ەكٸمشٸلٸك ايىپپۇلداردىڭ مٶلشەرٸ 30-50%-عا ۇلعايتىلدى. اۆتوموبيل كٶلٸك قۇرالىندا بالالار بولعان كەزدە وندا تەمەكٸ بۇيىمدارىن تۇتىنعانى ٷشٸن 10-نان 20 ايلىق ەسەپتٸك كٶرسەتكٸشكە دەيٸن ايىپپۇل كٶزدەلٸپ وتىر», - دەدٸ دەپۋتات زەۋرەش امانجولوۆا زاڭ جوباسى بويىنشا بايانداماسىندا.
بۇدان بۇرىن حابارلانعانداي, پارلامەنت مەجٸلٸسٸنٸڭ جالپى وتىرىسىندا «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» قازاقستان رەسپۋبليكاسى كودەكسٸنٸڭ جوباسى ەكٸنشٸ وقىلىمدا ماقۇلداندى.
قۇجات اياسىندا قازاقستاندا 21 جاسقا دەيٸن تەمەكٸ ساتىپ الۋعا تىيىم سالىنادى.
