فوتو: اشىق دەرەككٶز
جۋرناليست جانات مولداشوۆا ەلەۋمەتتٸك جەلٸدەگٸ پاراقشاسىندا اتىراۋ وبلىسىندا بولعان رەزونانستى تراگەديياعا قاتىستى جاڭا بەينەجازبا جارييالادى, دەپ حابارلايدى Ult.kz Politico.kz سايتىنا سٸلتەمە جاساپ.
جۋرناليستٸڭ ايتۋىنشا, اۋىر قاسٸرەتكە ۇشىراعان وتباسى ەلٸ دە قايعىدان ەس جييا الماي وتىر. ال جانگەلدين اۋىلىنىڭ تۇرعىندارىن ٷرەي بيلەگەن.
«قارالى وتباسى بۇل جاۋىز قىلمىستان كەيٸن ٶز-ٶزٸنە كەلە الماي جاتىر. جانگەلدين حالقى قاتتى الاڭداۋلى. اعايىن-تۋىس قاسكٶي قىلمىسكەردٸ تەزٸرەك ۇستاۋدى تالاپ ەتۋدە. “مارقۇمدار سارايدان قالاي تابىلدى? بۇعان دەيٸن تٸنتۋ جٷرگٸزٸلگەن ەمەس پە?” دەگەن سۇراقپەن مىڭداعان ادام حابارلاسىپ جاتىر», – دەپ جازدى جانات مولداشوۆا.
ونىڭ ايتۋىنشا, وقيعا باستالعالى بەرٸ قاسىندا جٷرگەن, مارقۇم ماقسوت قاراباليننٸڭ ٸنٸسٸ شالقار مۇقانعاليەۆ بٸرقاتار ساۋالدارعا جاۋاپ بەرگەن.
«بۇل – ٶتە اۋىر جاعداي. بٸراق بۇل جەكە وتباسىنىڭ عانا ەمەس, بٷكٸل قوعامنىڭ تراگەديياسىنا اينالعان سوڭ, ايتىلۋى دا, جازىلۋى دا كەرەك. قارا جامىلعان وتباسىنىڭ تۋىستارىنا قانداي جۇباتۋ سٶز ايتارىڭدى دا بٸلمەيسٸڭ», – دەپ قوستى جۋرناليست.
وسى جازبادان كەيٸن جانات مولداشوۆا مارقۇم ماقسوت قاراباليننٸڭ ٸنٸسٸ شالقار مۇقانعاليەۆپەن بولعان سۇحباتتىڭ ۆيدەوسىن جارييالادى.
شالقار مۇقانعاليەۆتٸڭ ايتۋىنشا, مارقۇم نەسٸپ ٶتەشقاليەۆانىڭ تۋىستار چاتىنا جٸبەرگەن اۋديو حابارلامالارى بار.
«نەسٸپ جەڭگەمٸزدٸڭ اعايىن-تۋىستارىنىڭ چاتىنا جولداعان اۋديوسى ساقتالعان. سول حابارلامالاردىڭ بٸرٸن 7 قاراشا كٷنٸ جٸبەرگەن. كٷدٸك تۋدىرماس ٷشٸن ەدەيٸ جٸبەرٸلگەندەي ەسەر قالدىرادى. قالاي بولعاندا دا, ول حابارلامالاردى بٸرەۋ جولداپ وتىرعان. قازٸر بارلىق تەلەفون سۇلتاندا بولعانى ايتىلىپ جاتىر. سول سەبەپتٸ اۋديولاردى دا سۇلتان جٸبەرگەن بولۋى مٷمكٸن دەپ ويلايمىز», – دەدٸ ول.
