تەل-اۆيۆ ماڭىندا جٷك كٶلٸگٸ ايالداماعا سوعىلدى

فوتو: Itai Ron/Flash90

جەكسەنبٸ كٷنٸ يزرايل ورتالىعىنداعى ٷلكەن قيىلىستا جٷك كٶلٸگٸ اۆتوبۋس ايالداماسىنا سوعىلىپ, ونداعان ادام جاراقات الىپ, بٸر ادام قازا تاپتى. باق مەلٸمەتٸنشە, پوليتسييا مۇنى ەدەيٸ جاسالعان شابۋىل دەپ سانايدى. جٷرگٸزۋشٸ وقيعا ورنىندا اتىپ ٶلتٸرٸلدٸ.

Times of Israel باسىلىمىنىڭ حابارلاۋىنشا, گليلوت ەسكەري بازاسىنىڭ جانىندا جٷك كٶلٸگٸ اۆتوبۋس ايالداماسىنا سوعىلىپ, بٸر ادام قازا تاۋىپ, 32 ادام جاراقات الىپ, اۋرۋحاناعا جەتكٸزٸلدٸ. بۇل تەل-اۆيۆتٸڭ سولتٷستٸگٸندە ورنالاسقان يزرايل قورعانىس ارميياسىنىڭ وقۋ بازاسى.

التاۋى اۋىر حالدە, بەسەۋٸ ورتاشا, جيىرماسى جەڭٸل جاراقات العان, تاعى تٶرتەۋٸ سترەسس الىپ قالعان, دەپ مەلٸمدەدٸ دەرٸگەرلەر.

Times of Israel مەلٸمەتٸنشە, جاراقات العانداردىڭ كٶبٸ قارت ادامدار, ولار جاقىن ماڭداعى مۋزەيگە بارا جاتقان كەزدە اۆتوبۋستان تٷسكەن. ولار 2023 جىلى 7 قازانداعى حاماس-تىڭ يزرايلگە جاساعان شابۋىلىنىڭ جىلدىعىن اتاپ ٶتۋگە جينالعان. Haaretz گازەتٸنٸڭ جازۋىنشا, جەدەل جەردەم قىزمەتٸنٸڭ ٶكٸلٸ بۇل ادامداردىڭ ەسكەري بازاعا بارماق بولعانىن حابارلادى.

«قازٸرگٸ ۋاقىتتا وقيعانىڭ مەن-جايى تەكسەرٸلۋدە», - دەپ مەلٸمدەدٸ پوليتسييا.

Times of Israel حابارلاعانداي, تەل-اۆيۆ ماڭىنداعى جٷك كٶلٸگٸنٸڭ سوعىلۋى تەراكت بولۋى مٷمكٸن دەگەن كٷدٸك بار.

پوليتسييانىڭ مەلٸمدەۋٸنشە, ايالداماعا سوعىلعان جٷك كٶلٸگٸنٸڭ جٷرگٸزۋشٸسٸ بەلگٸسٸز قارۋلانعان ادامدار تاراپىنان اتىپ ٶلتٸرٸلدٸ.

يزرايل تەلەارنالارى پوليتسييانىڭ ايماقتى قورشاۋعا العانىن, ال تٶتەنشە جاعداي قىزمەتكەرلەرٸ زارداپ شەككەندەرگە كٶمەك كٶرسەتٸپ جاتقانىن كٶرسەتتٸ. وقيعا ورنىندا تٸكۇشاق قالىقتاپ تۇردى.

«قازٸرگٸ ۋاقىتتا مدا جەدەل جەردەم دەرٸگەرلەرٸ مەن پارامەديكتەر ونداعان زارداپ شەككەندەرگە كٶمەك كٶرسەتۋدە», - دەلٸنگەن يزرايل تٶتەنشە قىزمەتتەرٸنٸڭ مەلٸمدەمەسٸندە.

بۇعان دەيٸن يزرايل يرانعا ەۋە سوققىلارىن جاساعانىن جازعانبىز.