مەجٸلٸس دەپۋتاتى ومارحان ٶكسٸكباەۆ جاۋاپتى ادامداردان قارجى مينيسترلٸگٸنە تسيفرلاندىرۋعا بٶلٸنگەن قارجىنىڭ قايدا جۇمسالعانىن سۇراۋدى ۇسىندى, دەپ حابارلايدى Sputnik قازاقستان تٸلشٸسٸ.
دەپۋتاتتىڭ ايتۋىنشا, قارجى مينيسترلٸگٸنە تسيفرلاندىرۋ ٷشٸن مەملەكەتتەن وراسان زور قارجى بٶلٸنگەن. الايدا اتقارىلماعان ٸس ەلٸ دە كٶپ.
"1999 جىلدان 2018 جىلعا دەيٸن قارجى مينيسترلٸگٸنە, ونىڭ كەدەن, قازىناشىلىق, سالىق ورگاندارىن تسيفرلاندىرۋ ٷشٸن رەسپۋبليكالىق بيۋدجەتتٸڭ عانا ٶزٸنەن 78,5 ميلليارد تەڭگە بٶلٸنگەن. ونى دوللارعا شاققاندا جارتى ميلليارد دوللار. بۇل اقشاعا اۆتوماتتاندىرۋدى عانا ەمەس, باسقا دا العى شەپتٸڭ بارلىعىن ەنگٸزۋگە بولاتىن شىعار دەپ ويلايمىن. ال بٷگٸن مينيستردٸڭ سٶزٸنە قاراعاندا ٸستەلمەگەن جۇمىس ەلٸ باستان اسادى. سوندا وسى اقشانىڭ بەرٸ قايدا كەتتٸ? نە ەنگٸزدٸك سوندا? بٷگٸنگٸ باياندالعان وسى دەڭگەي سول قارجىعا تۇرارلىق دٷنيە مە?", — دەپ اشۋلاندى ٶكسٸكباەۆ مەجٸلٸستەگٸ ٷكٸمەت ساعاتىندا.
مەجٸلٸسمەن مەملەكەتتەن بٶلٸنگەن قارجىنىڭ قايدا جۇمسالعانىن تەكسەرۋدٸ ۇسىندى.
"وسىنى تەكسەرەتٸن كەز كەلگەن سيياقتى. جاۋاپتى ادامداردان جاۋابىن سۇراۋىمىز كەرەك", — دەدٸ ول.
دەپۋتات ٶڭٸرلەرگە ساپارمەن بارعان كەزدە, سالىق ورگاندارىنىڭ عيماراتتى كەڭەيتٸپ, سالىق تٶلەۋشٸلەردٸ قابىلدايتىن بٶلمەلەر جاساۋمەن ەلەك بولىپ جٷرگەنٸن ايتتى.
"اينالايىن-اۋ, دامىعان مەملەكەتتەردە سالىق تٶلەۋشٸ سالىق ورگانىنىڭ قايدا ەكەنٸن بٸلمەيدٸ. سالىق ورگانىنىڭ ەسٸگٸن اشپايدى دا, بٸز سوعان ۇمتىلۋىمىز كەرەك. سوعان جەتۋٸمٸز كەرەك. نەگە بٸز عيماراتتى كەڭەيتٸپ, ازاماتتاردى قابىلدايتىن ورگان جاسايمىز? ول ورىننىڭ كەرەگٸ دە جوق, سالىق تٶلەۋشٸ مەن سالىق ورگانىنىڭ قارىم-قاتىناسى ەلەكتروندى جٷيەدە, قاشىقتىقتا جٷزەگە اسىرىلۋى كەرەك", — دەيدٸ ٶكسٸكباەۆ.
ول ەسٸل اۋدانىنىڭ سالىق ورگانىنا بارعان كەزدە, ٶزٸ كۋە بولعان كٶرٸنٸستٸ بايانداپ بەردٸ.
"سالىق تٶلەۋشٸلەردٸڭ سالىق ورگانىندا قارا تەر بولىپ جٷگٸرٸپ, ەسەپ بەرەتٸن ۋاقىتىندا بارىپ كٶرٸڭٸزشٸ. مەن ٶزٸم ەسٸل اۋدانىنىڭ سالىق ورگانىندا بٸر رەت بولدىم. سول جەردە تەنتٸرەپ جٷرگەن ادامداردى كٶرەسٸز. جەمقورلىق دەگەن سول جەردە جاتىر. وسىنىڭ بەرٸن جاباتىن كەزٸمٸز كەلگەن سيياقتى", — دەدٸ مەجٸلٸس دەپۋتاتى.
سونداي-اق, ٶكسٸكباەۆ ٷكٸمەتتٸك ورگاندار اراسىندا تٷسٸنبەۋشٸلٸك بار ەكەنٸن اتاپ ٶتتٸ.
"ٶتكەن جولى اقپارات مينيسترٸمٸز قازاقستاندى ينتەرنەتپەن تولىق تەك 2025 جىلى عانا قامتاماسىز ەتەمٸز دەپ ايتتى. ولاي بولسا, سٸزدەر قالاي جالپىلاما دەكلاراتسيياعا كٶشە الاسىزدار? كٶشە المايسىزدار, سەبەبٸ ينتەرنەت جوق. ٷكٸمەتتٸك ورگاندار اراسىندا تولىق كەلٸسٸممەن, زاڭدى تٷردە ٸسكە اساتىن تەتٸكتەردٸڭ بارلىعى جاسالماعان سيياقتى, مەن وسىعان كٶڭٸل اۋدارعىم كەلەدٸ", — دەدٸ ول.
