تەجٸكستاندا كۋلياب قالاسى مەشٸتٸنٸڭ يمامى ماحمادسوديك سايدوۆ جۇما ناماز كەزٸندە ٷكٸمەت بۇيرىعىمەن ايتىلۋى كەرەك ۋاعىزدى وپپوزيتسييالىق باعىتتاعى سايتقا جارييالاعانى ٷشٸن بەس جىلعا باس بوستاندىعىنان ايىرىلعان. بۇل جٶنٸندە كۋلياب اۋداندىق سوتىنىڭ تٶراعاسى يزاتۋللو تابارزودا حابارلادى, دەپ جازادى ازاتتىق.
تەجٸكستاننىڭ مەملەكەتتٸك قاۋٸپسٸزدٸك قىزمەتكەرلەرٸ 28 جاستاعى حاتيب-يمامدى ناۋرىزدا ۇستاعان. اقپاراتقا قاراعاندا, ول "يسلوح" اقپاراتتىق سايتىنا دٸن ٸستەرٸ جٶنٸندەگٸ كوميتەت ەزٸرلەپ جٸبەرگەن ۋاعىز مەتٸنٸن جولداعان.
"1 اقپاننان 4 ناۋرىز ارالىعىندا ماحمادسوديك سايدوۆ بٸرنەشە رەت سايت رەداكتورى مۋحامماديكبولوم سادريددينمەن تەلەفون ارقىلى سٶيلەسٸپ Facebook مەسسەندجەر ارقىلى دٸن ٸستەرٸ جٶنٸندەگٸ كوميتەت ەزٸرلەگەن ۋاعىز مەتٸنٸن جٸبەرگەن. ول سونىمەن بٸرگە كۋليابتاعى جاعداي تۋرالى اقپارات جٸبەرٸپ وتىرعان" دەپ اتاپ ٶتتٸ سۋديا تابارزودا.
"يسلوح" – وپپوزيتسييالىق باعىتتاعى سايت. ول تەجٸكستاندا تىيىم سالىنعان يسلامنىڭ قايتا جاڭعىرۋى پارتيياسىنا قولداۋ كٶرسەتەدٸ.
سايتتىڭ باس رەداكتورى مۋحامماديكبول سادريددين يمام ماحمادسوديك سايدوۆپەن بايلانىستا بولعانىن تەرٸسكە شىعاردى. ونىڭ سٶزٸنشە, ۋاعىز مەتٸنٸن جٸبەرٸپ وتىراتىن مٷلدەم باسقا يمام. ول قازٸر بوستاندىقتا جٷر. ماحمادسوديك سايدوۆ تانىمال دٸني قىزمەتكەر دومۋللو حولمۋرود سايدوۆتىڭ ۇلى. ەكەسٸ سوت شەشٸمٸنە قارسى شاعىم بەرۋدەن ەش پايدا جوق دەيدٸ.
رەسمي مەلٸمەت بويىنشا, سوڭعى التى ايدا كۋليابتىڭ 6 تۇرعىنى يسلامنىڭ قايتا جاڭعىرۋى پارتيياسىمەن ەرٸپتەستٸك ورناتتى دەگەن ايىپپەن ەرتٷرلٸ مەرزٸمگە سوتتالعان.
