تەجٸكستان قىرعىزستانمەن شەكارادا ۇستالعان قىرعىز وقۋشىلارىن كەلٸسسٶزدەردەن سوڭ بوساتتى. بۇل تۋرالى قىرعىزستان ۇقمك شەكارا قىزمەتٸ حابارلادى.
وقيعا 23 قىركٷيەكتە لەيلەك اۋدانىندا بولعان. جاشتىك اۋلىنىڭ 16 جاستاعى ەكٸ تۇرعىنى ۇستالعان. قىرعىزستان شەكارا قىزمەتٸنٸڭ مەلٸمەتٸ بويىنشا, بۇل ەكەۋٸ شەكاراداعى شارتتى سىزىققا جاقىن ماڭدا كونترابانداشىلارعا جٷك تاسۋعا كٶمەكتەسكەن.
شەكارالاس باتكەن جەنە سوعدى وبلىسىتارى شەكاراشىلارىنىڭ باسشىلارى "كۋلۋندۋ" بەكەتٸندە كەزدەستٸ. سونىڭ نەتيجەسٸندە تەجٸك تاراپى ۇستالعان ەكٸ وقۋشىنى قىرعىز شەكاراشىلارىنا بەردٸ.
23 قىركٷيەكتە قىرعىزستان مەن تەجٸكستان شەكاراسىنا جاقىن ماڭدا ەكٸ ەلدٸڭ وقۋشىلارى جانجالداسىپ, سونىڭ سالدارىنان تٶرت قىرعىز وقۋشىسى زارداپ شەككەن. تەجٸك تاراپى ەكٸ وقۋشى جارالانعانىن حابارلادى. وسى وقيعادان سوڭ باتكەن اۋدانىنىڭ ەكٸمٸ تەجٸكستاننىڭ يسفارا اۋدانىنىڭ باسشىسىمەن كەزدەسكەن. تاراپتار جەرگٸلٸكتٸ تۇرعىندار اراسىندا تٷسٸندٸرۋ جۇمىستارىن جٷرگٸزۋگە, زاڭ بۇزعاندارعا شارا قولدانۋعا كەلٸسكەن.
قىرعىز-تەجٸك شەكاراسى 970 شاقىرىمعا سوزىلىپ جاتىر, قازٸر سونىڭ 519 شاقىرىمىنىڭ عانا مەرتەبەسٸ انىقتالعان.
