تەجٸكستان پرەزيدەنتٸ ەمومالي راحموننىڭ جاقىن تۋىسىنا ايىپپۇل سالىندى, تٶبەلەسكە قاتىسىپ, ادامدارعا پىشاق سالدى دەپ ايىپتالعان بٸرنەشە كٸسٸ تٷرمەگە كەتتٸ.
حاتلون وبلىسى داڭعارا اۋداندىق سوتىنان حابارلاعانداردىڭ ايتۋىنشا, سوت ٷكٸمٸ شٸلدەنٸڭ سوڭىنا قاراي شىققان. ول تۋرالى ەندٸ عانا بەلگٸلٸ بولىپ وتىر.
ەمومالي راحمون ەيەلٸنٸڭ 35 جاستاعى نەمەرە ٸنٸسٸ ەمرەددين ناحشوۆ پەن تاعى دا توعىز ادامدى سوت ايىپتى دەپ ساناعان. ناحشوۆتى قوسا العاندا بەس ادامعا 60 مىڭ سوموني (5250 دوللار) ايىپپۇل سالىنىپ, بەس ادام ٷش جىلدان بەس جىلعا دەيٸن تٷرمەگە كەسٸلگەن. ولار بيىل مامىر ايىنىڭ ورتاسىندا داڭعارا قالاسىنىڭ ورتالىعىنداعى تٶبەلەسكە قاتىسقان.
التىن ٶندٸرەتٸن "ناحش" كومپانيياسىنىڭ باس ديرەكتورى ناحشوۆ پەن ونىڭ سىبايلاستارى "مينۋ فارم" كومپانيياسىنىڭ جۇمىسشىلارىن ۇرىپ-سوققان. تەجٸكستان ميليتسيياسىنىڭ مەلٸمەتٸنشە, "مينۋ فارم" كومپانيياسىىڭ 10 قىزمەتكەرٸ اۋىر جارالانعان. ونىڭ تٶرتەۋٸ پىشاقتالىپ, اۋرۋحاناعا تٷسكەن.
