Tájikstan prezidenti Emomali Rahmonnyń jaqyn týysyna aiyppul salyndy, tóbeleske qatysyp, adamdarǵa pyshaq saldy dep aiyptalǵan birneshe kisi túrmege ketti.
Hatlon oblysy Dańǵara aýdandyq sotynan habarlaǵandardyń aitýynsha, sot úkimi shildeniń sońyna qarai shyqqan. Ol týraly endi ǵana belgili bolyp otyr.
Emomali Rahmon áieliniń 35 jastaǵy nemere inisi Ámreddin Nahshov pen taǵy da toǵyz adamdy sot aiypty dep sanaǵan. Nahshovty qosa alǵanda bes adamǵa 60 myń somoni (5250 dollar) aiyppul salynyp, bes adam úsh jyldan bes jylǵa deiin túrmege kesilgen. Olar biyl mamyr aiynyń ortasynda Dańǵara qalasynyń ortalyǵyndaǵy tóbeleske qatysqan.
Altyn óndiretin "Nahsh" kompaniiasynyń bas direktory Nahshov pen onyń sybailastary "Miný Farm" kompaniiasynyń jumysshylaryn uryp-soqqan. Tájikstan militsiiasynyń málimetinshe, "Miný Farm" kompaniiasyyń 10 qyzmetkeri aýyr jaralanǵan. Onyń tórteýi pyshaqtalyp, aýrýhanaǵa túsken.
