تەجٸكستان رەسپۋبليكاسىنىڭ پرەزيدەنتٸ ەمومالي راحمون قازاقستاندىق شەكاراشىنى ناگرادتادى, دەپ حابارلايدى ۇلتتىق قاۋٸپسٸزدٸك كوميتەتٸنٸڭ باسپاسٶز قىزمەتٸ.
تەجٸكستان رەسپۋبليكاسى پرەزيدەنتٸنٸڭ 2021 جىلعى 30 قىركٷيەكتەگٸ №252 جارلىعىمەن رەسپۋبليكا تەۋەلسٸزدٸگٸنٸڭ 30 جىلدىعىنا جەنە قىزمەتتٸك بورىشىن ورىنداۋ كەزٸندە تانىتقان ەرلٸگٸ مەن جانقييارلىعى ٷشٸن كٸشٸ سەرجانت رادجان ارميياۇلى باتىرقانوۆ 1-شٸ دەرەجەلٸ «سپيتامەن» وردەنٸمەن ناگرادتالدى (قايتىس بولعاننان كەيٸن).
تەجٸكستان حالقى 1993-2001 جىلدار ارالىعىندا تەجٸك-اۋعان شەكاراسىندا ەسكەري بورىشىن ٶتەگەن جەكە قۇراما اتقىشتار باتالونىنىڭ ەسكەري قىزمەتشٸلەرٸ كٶرسەتكەن ەرلٸگٸن ەسكە الىپ, قۇرمەت تۇتادى.
ايتا كەتەيٸك, رادجان ارميياۇلى (1975-1994) - جاۋىنگەر-ينتەرناتسيوناليست, باتىر-شەكاراشى. جەكە قازاقستاندىق قۇراما باتالونى كٷرشٸم ۆزۆودىنىڭ قۇرامىندا قىزمەت اتقاردى.
1994 جىلى 28 قىركٷيەكتە حوروگ شەكارا جاساعىنىڭ ۋچاسكەسٸندە تەجٸك وپپوزيتسيياسىنىڭ ەكٸ جٷزدەن استام حاكيم باستاعان سودىرلارى ۆيسحوروۆ شاتقالىنداعى 5-شٸ جەنە 6-شى شەكارا زاستاۆالارىنىڭ تٷيٸسكەن جەرٸنەن بۇزىپ ٶتۋگە تىرىستى.
بۇل ۇرىسقا قازاقستاندىق قۇراما باتالوننىڭ جەكە قۇرامى بەلسەنە قاتىستى.
حاكيم سودىرلارى 9 جٷك كٶلٸگٸ جەنە ەكٸ «ۋازيكپەن» كالاي-حۋمب اۋدانىنىڭ ورتالىعى ارقىلى اۋعانستان يسلام مەملەكەتٸنە ٶتۋ نيەتٸمەن مەملەكەتتٸك شەكارا سىزىعىنىڭ بويىنداعى حوروگ باعىتىنا بەت الدى.
لەكتٸڭ قوزعالىسىن «قارا قول» لاقاپ اتىمەن بەلگٸلٸ بولعان سودىر باسقاردى ( كەيٸننەن «حاتتاب» دەپ تانىلعان حالىقارالىق تەرروريست, 1995 جىلدان 2002 جىلعا دەيٸن شەشەنستانداعى رەسەي فەدەرالدى كٷشتەرٸنە قارسى سوعىسقا قاتىسقان شەشەن سەپاراتيستەرٸنٸڭ جەتەكشٸسٸ ).
بۇل ۇرىستا رادجان باتىرقانوۆ قارۋلى سودىرلارمەن بولعان قييان-كەسكٸ شايقاسقا بٸرٸنشٸ بولىپ كٸردٸ.
ٶز ٶمٸرٸنٸڭ قۇنىمەن قارۋلاستارىن قۇتقارىپ قانا قويماي, ۇرىستا جەڭٸسكە جەتۋٸنە جول اشتى.
