Tájikstan Respýblikasynyń Prezidenti Emomali Rahmon qazaqstandyq shekarashyny nagradtady, dep habarlaidy Ulttyq qaýipsizdik komitetiniń baspasóz qyzmeti.
Tájikstan Respýblikasy Prezidentiniń 2021 jylǵy 30 qyrkúiektegi №252 Jarlyǵymen Respýblika Táýelsizdiginiń 30 jyldyǵyna jáne qyzmettik boryshyn oryndaý kezinde tanytqan erligi men janqiiarlyǵy úshin kishi serjant Radjan Armiiauly Batyrqanov 1-shi dárejeli «Spitamen» ordenimen nagradtaldy (qaitys bolǵannan keiin).
Tájikstan halqy 1993-2001 jyldar aralyǵynda tájik-aýǵan shekarasynda áskeri boryshyn ótegen jeke qurama atqyshtar batalonynyń áskeri qyzmetshileri kórsetken erligin eske alyp, qurmet tutady.
Aita keteiik, Radjan Armiiauly (1975-1994) - jaýynger-internatsionalist, batyr-shekarashy. Jeke qazaqstandyq qurama batalony Kúrshim vzvodynyń quramynda qyzmet atqardy.
1994 jyly 28 qyrkúiekte Horog shekara jasaǵynyń ýchaskesinde tájik oppozitsiiasynyń eki júzden astam Hakim bastaǵan sodyrlary Vishorov shatqalyndaǵy 5-shi jáne 6-shy shekara zastavalarynyń túiisken jerinen buzyp ótýge tyrysty.
Bul urysqa qazaqstandyq qurama batalonnyń jeke quramy belsene qatysty.
Hakim sodyrlary 9 júk kóligi jáne eki «ÝAZikpen» Kalai-Hýmb aýdanynyń ortalyǵy arqyly Aýǵanstan Islam memleketine ótý nietimen memlekettik shekara syzyǵynyń boiyndaǵy Horog baǵytyna bet aldy.
Lektiń qozǵalysyn «Qara qol» laqap atymen belgili bolǵan sodyr basqardy ( keiinnen «Hattab» dep tanylǵan halyqaralyq terrorist, 1995 jyldan 2002 jylǵa deiin Sheshenstandaǵy Resei federaldy kúshterine qarsy soǵysqa qatysqan sheshen separatisteriniń jetekshisi ).
Bul urysta Radjan Batyrqanov qarýly sodyrlarmen bolǵan qiian-keski shaiqasqa birinshi bolyp kirdi.
Óz ómiriniń qunymen qarýlastaryn qutqaryp qana qoimai, urysta jeńiske jetýine jol ashty.
