تاتارستاندا مەنزەلينسك قالاسىنىڭ تٷبٸندە L-410 ۇشاعى قۇلادى. بورتتا بولعان 22 ادامنىڭ 16-سى قازا تاپقان, التاۋى جاراقات العان. بۇل تۋرالى "ينتەرفاكس" اگەنتتٸگٸ حابارلادى.
زارداپ شەككەندەر نابەرەجنىە چەلنى جەنە قازان قالالارىنىڭ اۋرۋحانالارىنا جەتكٸزٸلگەن دەپ حابارلادى اگەنتتٸك ايماقتاعى دەنساۋلىق ساقتاۋ مينيسترلٸگٸنە سٸلتەپ.
تٶتەنشە جاعدايلار مينيسترلٸگٸنٸڭ حابارلاۋىنشا, بورتتا 20 پاراشيۋتشٸ, 2 ەكيپاج مٷشەسٸ بولعان. وسىعان دەيٸن 15 ادامنىڭ وپات بولىپ, جەتٸ ادامنىڭ تٸرٸ قالعانى ايتىلعان. ۇشاق جەرگٸلٸكتٸ دوسااف ەۋە كلۋبىنا تيەسٸلٸ بولعان.
Baza باسىلىمى اپات ورنىنان تٷسٸرٸلگەن ۆيدەونى جارييالادى. قۇلاعان ۇشاقتىڭ قاق جارىلعانىن كٶرسەتەتٸن سۋرەتتەر دە بار.
اپاتتىڭ سەبەبٸ ەزٸرگە بەلگٸسٸز. "ينتەرفاكس" دەرەككٶزدەرٸ ۇشاقتىڭ اەرودرومنان ۇشقان سوڭ بٸردەن قۇلاعانىن ايتقان.
اپات ورنىنا تاتارستان باسشىسى رۋستام ميننيحانوۆ ۇشىپ كەتتٸ.
كەيٸنگٸ جىلدارى رەسەيدە شاعىن ۇشاقتاردىڭ قۇلاۋى جيٸ تٸركەلٸپ جٷر. دەل وسىنداي L-410 قىركٷيەك ايىندا يركۋتسك تٷبٸندە قۇلاعان. وعان دەيٸن شٸلدە ايىندا كەمەروۆ تٷبٸندە تاعى بٸرەۋٸ اپاتقا ۇشىراعان.
