Tatarstanda Menzelinsk qalasynyń túbinde L-410 ushaǵy qulady. Bortta bolǵan 22 adamnyń 16-sy qaza tapqan, altaýy jaraqat alǵan. Bul týraly "Interfaks" agenttigi habarlady.
Zardap shekkender Naberejnye Chelny jáne Qazan qalalarynyń aýrýhanalaryna jetkizilgen dep habarlady agenttik aimaqtaǵy densaýlyq saqtaý ministrligine siltep.
Tótenshe jaǵdailar ministrliginiń habarlaýynsha, bortta 20 parashiýtshi, 2 ekipaj múshesi bolǵan. Osyǵan deiin 15 adamnyń opat bolyp, jeti adamnyń tiri qalǵany aitylǵan. Ushaq jergilikti DOSAAF áýe klýbyna tiesili bolǵan.
Baza basylymy apat ornynan túsirilgen videony jariialady. Qulaǵan ushaqtyń qaq jarylǵanyn kórsetetin sýretter de bar.
Apattyń sebebi ázirge belgisiz. "Interfaks" derekkózderi ushaqtyń aerodromnan ushqan soń birden qulaǵanyn aitqan.
Apat ornyna Tatarstan basshysy Rýstam Minnihanov ushyp ketti.
Keiingi jyldary Reseide shaǵyn ushaqtardyń qulaýy jii tirkelip júr. Dál osyndai L-410 qyrkúiek aiynda Irkýtsk túbinde qulaǵan. Oǵan deiin shilde aiynda Kemerov túbinde taǵy bireýi apatqa ushyraǵan.
