تاتارستان مەكتەپتەرٸندە التىن وردانىڭ 750 جىلدىعىنا ارنالعان ساباقتار ٶتەدٸ. بۇل تۋرالى تر عىلىم اكادەميياسى تاريح ينستيتۋتىنىڭ جانىنداعى التىن وردا جەنە تاتار حاندىقتارىن زەرتتەۋ ورتالىعىنىڭ باسشىسى, تاريح عىلىمدارىنىڭ كانديداتى يلنۋر ميرگالەەۆ ايتىپ بەردٸ, دەپ حابارلايدى قازاقپارات «تاتار-ينفورم» اگەنتتٸگٸنە سٸلتەمە جاساپ.
«بٸلٸم مينيسترلٸگٸنە وقىتۋشىلارعا ارنالعان وقۋ قۇرالىن ەزٸرلەپ بەردٸك. تاريح پەنٸنٸڭ وقىتۋشىلارى وسى كٷنگە ارنالعان ساباق ٶتۋٸ تيٸس. بٸز ولارعا مەملەكەت تاريحىنىڭ اسا ماڭىزدى وقيعالارى قامتىلعان قىسقاشا اقپاراتتى جٸبەرەمٸز», - دەدٸ ول.
تاريحشىنىڭ سٶزٸنە قاراعاندا, ەدٸستەمەلٸك قۇرالدا التىن وردا تاريحىنداعى نەگٸزگٸ وقيعالار مەن تۇلعالار اتالادى, ەرٸ وسى تاقىرىپقا قاتىستى ۇسىنىلاتىن كٸتاپتاردىڭ تٸزٸمٸ بەرٸلەدٸ.
«بٸلٸم بەرۋ جٷيەسٸ وسى اقپاراتتى تۇرعىندارعا جەتكٸزۋدە بٸزگە كٶمەكتەسەدٸ دەپ ٷمٸتتەنەمٸز. ٶيتكەنٸ بۇل تەك وقۋشىلارعا عانا ەمەس, اتا-انالارعا دا قىزىقتى. كونفەرەنتسييالار, اشىق ساباقتار ٶتكٸزۋگە بولادى. تاريح پەنٸنٸڭ بٸر ساباعىن دەل وسى تاقىرىپقا ارناۋعا دا بولادى. مەكتەپتەر كٶپتەگەن شارالاردى ٶتكٸزەدٸ, جۇرت تاتار تاريحىنا, تاتار مەملەكەتتٸگٸنە ارنالعان شارالاردىڭ ماڭىزىن تولىق تٷسٸنەدٸ دەپ سەنەمٸز», - دەيدٸ يلنۋر ميرگالەەۆ.
