حالىقارالىق تٷركٸ اكادەميياسىنىڭ (TWESCO) پرەزيدەنتٸ دارحان قىدىرەلٸ تاتارستان عالىمدارىمەن كەزدەستٸ, دەپ حابارلايدى "ۇلت اقپارات".
اكادەمييا باسپاسٶز قىزمەتٸنٸڭ مەلٸمەتٸنشە, كەزدەسۋدە تاراپتار عىلىمي ۇيىمدار اراسىنداعى سەرٸكتەستٸكتٸ نىعايتۋ, بٸرلەسكەن عىلىمي زەرتتەۋلەر ٶتكٸزۋ تۋرالى پٸكٸر الماستى.
تاتارستان ۇعا ارحەولوگييا ينستيتۋتىنىڭ ديرەكتورى ايرات سيتديكوۆ پەن قازان فەدەرالدى ۋنيۆەرسيتەتٸ جانىنداعى شىعىستانۋ ينستيتۋتىنىڭ ديرەكتورى راميل حايرۋتدينوۆ ٶزدەرٸ باسقاراتىن قۇرىلىمداردىڭ اكادەمييامەن بٸرلەسە جۇمىس ٸستەۋگە مٷددەلٸ ەكەندٸگٸن ايتتى.
ٶز كەزەگٸندە TWESCO باسشىسى ۇيىمنىڭ عىلىمي بايلانىستار ورناتۋعا اشىق ەكەندٸگٸن اتاپ ٶتە كەلە, 2019 جىلى ٶتكٸزۋ جوسپارلانعان بٸرقاتار شارالارعا توقتالدى. اتاپ ايتقاندا, اكادەمييا باسشىسى دٷنيەجٷزٸلٸك تٷركولوگتار كونگرەسٸنە دايارلىق, التىن وردانىڭ 750 جىلدىعىن اتاپ ٶتۋ, تٷركٸ تاريحىندا ماڭىزدى ورنى بار ٶڭٸرلەرگە ەكسپەديتسييا ۇيىمداستىرۋ تۋراسىنداعى ويلارىمەن بٶلٸستٸ.
