Halyqaralyq Túrki akademiiasynyń (TWESCO) prezidenti Darhan Qydyráli Tatarstan ǵalymdarymen kezdesti, dep habarlaidy "Ult aqparat".
Akademiia baspasóz qyzmetiniń málimetinshe, kezdesýde taraptar ǵylymi uiymdar arasyndaǵy seriktestikti nyǵaitý, birlesken ǵylymi zertteýler ótkizý týraly pikir almasty.
Tatarstan UǴA Arheologiia institýtynyń direktory Airat Sitdikov pen Qazan Federaldy ýniversiteti janyndaǵy Shyǵystaný institýtynyń direktory Ramil Hairýtdinov ózderi basqaratyn qurylymdardyń Akademiiamen birlese jumys isteýge múddeli ekendigin aitty.
Óz kezeginde TWESCO basshysy uiymnyń ǵylymi bailanystar ornatýǵa ashyq ekendigin atap óte kele, 2019 jyly ótkizý josparlanǵan birqatar sharalarǵa toqtaldy. Atap aitqanda, Akademiia basshysy Dúniejúzilik túrkologtar kongresine daiarlyq, Altyn Ordanyń 750 jyldyǵyn atap ótý, túrki tarihynda mańyzdy orny bar óńirlerge ekspeditsiia uiymdastyrý týrasyndaǵy oilarymen bólisti.
