يسٸ قازاققا تانىمال يمانعالي تاسماعامبەتوۆتىڭ استانا قالاسىنا ەكٸم بولىپ تاعايىندالعانىنا ەكٸنشٸ جىل بولاتىن. مەن ول كەزدە ەلوردانىڭ ٸرگەسٸندەگٸ «پريگورودنىي» كەنتٸندە تۇراتىن ەدٸم. «قالا ەكٸمٸ حالىققا جىل سايىنعى ەسەبٸن جاسايدى» ەكەن دەگەن حاباردى ەستي سالا سول كەزدەگٸ «كونگررەس حولل» سارايىنا ەل-جۇرتپەن بٸرگە مەن دە باردىم.
يمانعالي نۇرعاليۇلى الدىمەن ەلوردانىڭ ەلەۋمەتتٸك-ەكونوميكالىق احۋالى مەن الدا اتقارىلاتىن جۇمىستار جايىندا جان-جاقتى بايانداپٶتتٸ. ال, ودان كەيٸن جينالعان حالىق تاراپىنان قويىلعان سۇراقتارعا جاۋاپ بەردٸ. سول سۇراق قويعان كٸسٸلەردٸڭ اراسىندا مەن تۇراتىن «پريگورودنىي» كەنتٸنٸڭ بٸر تۇرعىنى دا بولدى. ول قالا ەكٸمٸنە اتالمىش كەنتتەگٸ كٶشە مەن تۇرعىن ٷيلەر ٸرگەسٸندەگٸ جۇلىم-جۇلىمى شىققان اعاشتار جايىن قوزعادى. استانا استانا بولعالى ەشقانداي كٷتٸم كٶرمەگەن ونداعى كەيبٸر اعاشتار ادام ٶمٸرٸنە قاۋٸپ تٶندٸرٸپ تۇرعانىن دا ەدەمٸ جەتكٸزدٸ. ونىڭ بۇل ورىندى كٶتەرگەن مەسەلەسٸن مۇقييات تىڭداعان يمەكەڭ زالدا وتىرعان بٸر ورىنباسارىن ورنىنان تۇرعىزدى دا «مىنا مەسەلەنٸ دەرەۋ شەشٸڭدەر» دەپ تاپسىرما بەردٸ.
ٶز باسىم, بۇل جينالىستىڭ سوڭىنا دەيٸن بولا المادىم. ٶزٸم تۇراتىن كەنت جاقتا جەكە شارۋام شىعىپ قالدى دا, سول جاققا قاراي جول تارتتىم. ەندٸگٸ قىزىقتى قاراڭىز, جول بويىندا «پريگورودنىي» كەنتٸنە قاراي كٶش تٷزەگەن قالانىڭ كٶگالداندىرۋ باسقارماسىنىڭ بٸرنەشە كٶلٸگٸن كٶزٸم شالىپ قالدى. وندا كٶلٸكتٸڭ نەشە تٷرٸ بار, تٸپتٸ جوعارىعا كٶتەرەتٸن ساتىسى بار «كرانعا» دەيٸن. بۇعان جۇمىسشىلار جايعاسقان ەكٸ-ٷش جٷك كٶلٸگٸن دە قوسىڭىز. نە كەرەك, بۇلاردىڭ «بەس قارۋى تٷگەل». ولار دٸتتەگەن جەرٸنە جەتە سالىسىمەن كەنت ٸشٸندەگٸ اعاشتاردى وتاۋعا بەل شەشە كٸرٸسٸپ كەتتٸ. نەسٸن جاسىرايىن, مەن جەكە شارۋامدى جيىپ قويىپ, ەلگٸ جۇمىسشىلاردىڭ ەرەكەتٸن كٶپ ۋاقىت تاماشالاپ تۇردىم. تاسماعامبەتوۆتىڭ بەرگەن تاپسىرماسىنىڭ ٸزبە-ٸز ورىندالىپ جاتقانىنا قاتتى تاڭ قالدىم ھەم تامساندىم. ٶزدەرٸڭٸز ويلاپ قاراڭىزدارشى, تاپسىرما جينالىس كەزٸندە بەرٸلدٸ. سول بەرٸلگەن تاپسىرما جينالىس جٷرٸپ جاتقان ۋاقىتتا جٷزەگە اسىپ جاتىر. مٸنە, ناعىز ٸستٸڭ ادامى دەپ وسى كٸسٸنٸ ايتۋعا بولادى. سٶزٸ مەن ٸسٸ تارازى باسىن تەڭەستٸرٸپ تۇر. مۇنى بٸر دەڭٸز.
ەكٸنشٸ, بٸزدٸڭ كەنتتەگٸ جۇمىس مۇنىمەن بٸتكەن جوق. توز-توزى شىققان كٶشەلەرٸ تٷزەلدٸ. تۇرعىن ٷيلەردٸڭ بارلىق اۋلاسىنا كٷردەلٸ جٶندەۋ جۇمىستارى جٷرگٸزٸلدٸ. قىسقاسى, بٸر جىلدىڭ ٸشٸندە كەنت كەلبەتٸ ادام تانىماستاي ٶزگەردٸ. شاعىن سۇلۋ كەنتكە اينالىپ شىعا كەلدٸ. ەگەر سەنبەسەڭٸز مەن سٶز ەتكەن كەنتكە ارنايى بارىپ, بٸر سەرۋەندەپ كٶرٸڭٸزشٸ. سونداعى جەرگٸلٸكتٸ تۇرعىنداردان كەنتتٸڭ كەشەگٸسٸ مەن بٷگٸنٸن سۇراۋدى دا ۇمىتپاڭىز. تاسماعامبەتوۆتىڭ كەزٸندە قىرۋار تٸرلٸك جاسالعانىن جىر قىلىپ ايتىپ بەرەتٸنٸنە تيتتەي دە كٷمەنٸم جوق.
ەرلٸباي ٶزبەكبايۇلىنىڭ فەيسبۋكتەگٸ جازباسىنان
